مصطفى عماد يكشف معاناته قبل «سيد الناس».. قلة فرص وسرقة

تحدث الفنان الشاب مصطفى عماد عن كواليس مشاركته في مسلسل سيد الناس، وكشف أسرار من حياته لأول مرة.

قال مصطفى عماد عبر تصريحات تلفزيونية: «كنت خايف في البداية من محمد سامي في أول أيام تصوير المسلسل.. لأنه بيبقى فيه حالة صمت رهيب داخل اللوكيشن».

كواليس مشاركة مصطفى عماد في مسلسل سيد الناس

واستكمل: «عشان بيكون مركز.. هو أشطر مخرج شُفته في حياتي.. وبيهتم بأدق التفاصيل.. وأتمنى أشتغل معاه تاني، وأنا ماقُلتش مرة هسيب التمثيل وأشوف وظيفة تانية».

وتابع مصطفى عماد: «لفيت في الأول على مكاتب الكاستنج وأصحابي يشتغلوا وأنا لأ.. بس كان عندي يقين إن ربنا هيكرمني، لحد ما دكتور أشرف زكي رشح شباب من معهد الفنون المسرحية للمخرج محمد سامي عشان يشاركوا في المسلسل».

تصريحات مصطفى عماد

واختتم: «ورد الموافقة إني أقدم الدور كان متأخر وفي الوقت ده كنت أخدت جائزة عن دور عملته بمسرحية اتعرضت في مهرجان المعهد وطلعوا اتنين عليا بموتوسيكل وأنا في صفط اللبن وشدوا الشنطة كان فيها فلوس مني وسرقوني».