مصطفى كامل: نقابة الموسيقيين فيها فساد صعب

ناشد المطرب مصطفى كامل، رئيس الجمهورية عبد الفتاح السيسي بتدخل الأجهزة الرقابية لمواجهة الفساد في نقابة المهن الموسيقية.

مصطفى كامل: نقابة الموسيقيين فيها فساد

وقال مصطفى كامل، في تصريحات تلفزيونية: «أوجه رسالة لسيادة الرئيس عبد الفتاح السيسي، ولبلدي ووطني اللي بحبه وبحترمه، وهيفضل ترابه فوق رأسي، من فضلكم الأجهزة الرقابية تدخل نقابة المهن الموسيقية علشان إحنا في ظروف اقتصادية صعبة».

وتابع مصطفى كامل، «نقابة المهن الموسيقية فيها فساد صعب وغير محدود فوق الوصف والخيال والمنطق وشي لا يصدقه العقل، الفساد موجود بجميع أشكاله، لما مطرب مهرجانات يتمنع من الغناء، أو المذيعة أميرة بدر تقول لها مش هتطلع في برامج، والمعد يطلعك رغم القرار».

مصطفى كامل: في ناس بتاخد رشوى من حمو بيكا

وأشار مصطفى كامل، إلى أنه هناك أشخاص في النقابة يتقاضون أجر حمو بيكا في الحفلات لمدة ثلاثة سنوات معلقا: «في ناس بتاخد من حمو بيكا فلوس بقالها 3 سنين وهو عامل ليهم قضية في الأموال العامة وبتسجيلات صوتية كمان».

واختتم مصطفى كامل حديثه قائلا: «حمو بيكا مظلوم، أنا عمري ما شوفته وجها لوجه بس هو كلمني من شوية وقالي الكلام ده»، موجها رسالة لنقيب الموسقيين وأعضاء النقابة: «لو أديت لواحد من عينته كارنيه أديله هو كمان، لكن توقفه عشان ترتشي منه.. إيه ده اللي بيحصل».

حلمي بكر يرشح مصطفى كامل لرئاسة نقابة الموسيقيين

مش هأذي حد.. أول رد من مصطفى كامل بعد سرقة حمو بيكا للحن أغنيته