«مفاجأة كبيرة».. بسنت شوقي تحسم حقيقة حملها

كشفت الفنانة بسنت شوقي حقيقة الأنباء المنتشرة بشأن حملها، وخرجت عن صمتها.

نشرت بسنت شوقي مقطع فيديو عبر حسابها الرسمي بموقع انستجرام، وقالت به: «أنا مش بردّ على الإشاعات خالص بس لقيت الموضوع بيكبر أوي أوي».

حقيقة حمل بسنت شوقي

وتابعت: «وأنا لغاية النهاردة جالي أكتر من 5 آلاف رسالة سواء شخصية أو من الشغل بيباركوا لي وكده وأنا حسيت إني لازم أطلع وأقول».

واستكملت بسنت شوقي: «أنا مش حامل وكل اللي حصل إني نزلت أنا ومحمد ستوري إن فيه مفاجأة، والمشكلة إن محمد كان لابس بينك وبقالي فترة قاعدة بقول أنا مش قادرة أستغنى عن البينك وبتاع، فالناس توقعت إني حامل في بنت، بس والله العظيم أنا مش حامل».

تصريحات بسنت شوقي

وأضافت: «ولو أنا حامل مش حاسة إن لا أنا ولا محمد هنقولها بالطريقة دي، وبعدين ليه بكرة حامل؟ ما أنا حامل النهاردة، مش إحنا اللي نقولها بالشكل ده.. المفاجأة كانت الفيديو كليب (مستنيك) لحسين الجسمي، عشان أنا ومحمد عمرنا ما عملنا حاجة زي دي قبل كده، لأن الفيديو كليب بفكرته وإخراجه وكل حاجة».

واختتمت بسنت شوقي: «هشام جمال عمل حاجة مختلفة جدًا عشان كده إحنا فضلنا نقول مفاجأة كبيرة.. عايزة أقول بس شكرًا جدًا على كل المشاعر الجميلة، والدعاء اللي جالنا إن ربنا يرزقنا الذرية الصالحة يارب في يوم ما ربنا يريد، وبجد أنا حاسة بكل الحب، بس لسه ربنا ما أردش، وبعدين يا جماعة أنا خاسة أصلًا والناس تقول عليا حامل دي مصيبة سودا».

 

View this post on Instagram

 

A post shared by Passant Shawky | بسنت شوقى (@passantshawky)