اتهامات بالتحرش ضد ممثل شهير تتصدر مواقع التواصل الاجتماعي

في مفأجاة غير متوقعة، أعلنت إحدى الفتيات على مواقع التواصل الاجتماعي بتحرش ممثل مشهور بها، والذي يبدأ اسمه بحرفي ش.خ ، وقد تصدر اسمه محركات البحث على مواقع التواصل الاجتماعي، بهاشتاج «#كله_هايتعرف لتبادل تجاربهن».

وقد كتبت فتاة تدعي مريم العطارعبر حسابها الشخصي «فيس بوك»، تدعى مريم العطار،«من فترة طويلة قررت أتعلم التمثيل، روحت ستوديو كدا مشهور قوي مش هقول اسمه اتدربت مع مدرب كدا مشهور هموت وأقول اسمه، وارتبطت بالمكان دا إلى الحد اللي خلاني بعتبره بيتي الأولاني مش التاني، واتعلمت هناك من الإنسان دا معاني كتير قوي لو المدرب دا كان عمل ربعها كان زمانه بقى راجل محترم، أو بقى راجل في المطلق».

وأضافت: «أنا بالتبعية يعني كنت برشح المكان دا لأي حد عاوز يتعلم تمثيل وبرشح الإنسان دا كمدرب محترم وصديق وفي وأخ كبير، عدت يعني الأيام واكتشفنا أنا وشوية الطلبة والطالبات السذج المنبهرين إن الراجل دا كدبة كبيرة وما هو إلا سلسلة من حوادث التحرش المتتالية والخداع المتواصل والتلاعب ببني آدم، أو بالتحديد بناته، فبعد ما اتأذى بعضنا نفسيا والبعض الآخر جسديا علما بأن بعضنا دا مش اتنين تلاتة، وبعد ما اتضر بسببه ناس من أقرب الأقربين لقلبي واللي مفيش للكدب والحوارات بيننا مكان، فأنا شايفة إني مش هبقي بني آدم عنده ريحة الأخلاق ولا الضمير لو ماقلتش بصوت عالي قوي أنا مابقيتش بدعم الإنسان دا ولا تجمعني به صلة، ولا بقيت بدعم المكان دا طول ما الشخص دا فيه».

وتابعت: «كلي شكر وتقدير لكل شخص بيدعم البنات دي وبيشجعهم دلوقت يتكلموا، ومش حاسة بأي نوع من أنواع الامتنان لكل الأشخاص المحيطين به اللي عارفيه بقالهم سنين وماحدش فيهم ميل على ودن بنت قال لها خلي بالك من نفسك، بس جاي دلوقت ينضف دم الدبايح ويقولهم حصل خير إحنا معاكم، اللي عاوز يسألني مين دا طبعا يسألني، أنا مش خايفة ومتأكدة من كل حرف كتبته».

ثم توالت الشهادات من بعض الفتيات بشأن تعرضهم للتحرش من الممثل يبدأ اسمه بحرفي ش.خ .

كريم مزيكا أحد مشاهير السوشيال ميديا: «كان حلم حياتي أكون مشهور.. وأتمنى التمثيل»

رئيس الوزراء يصعد للطابق الـ 75 بالبرج الأيقوني للعاصمة الإدارية