منال سلامة تكشف كواليس فرح سنية بمسلسل لن أعيش في جلباب أبي

كشفت الفنانة منال سلامة كواليس تصوير فرح سنية بمسلسل لن أعيش في جلباب أبي للنجم الراحل نور الشريف.

وقالت الفنانة منال سلامة، في تصريحات اذاعية: ابتدى الحمل يزيد عليا وأنا عاملة مزمزيل وعاملة ضفيرة ومينفعش ابان كدا، ودايما مخرج العمل كان بيطلعني بين أختين وأنا بينهم كدا، وراسي وكتفي هما اللي طالعين، ولكن جسمي مستخبي.

وتابعت منال سلامة: الفرح يوميها أخروا ميعاد البريك والانتاج كان جايب أكل وحنان ترك كانت جايبة أكل برضو، وابتدينا نتكلم من خلال كل واحد وشخصيته .

وأضافت: فيه شركات انتاج بتكلمنا عن عمل جزء ثاني بعد ما كبرنا وبقي عندنا عيال، واحنا كنا عارفين انه مسلسل لطيف وهيحقق نجاح مع الناس، والمسلسل ده حالة وكل بين هتلاقي فيه فاطمة كشري ونوفا ونظيرة وبهيرة

والمسلسل اعطى أمل لناس كتير بشكل ايجابي مش سلبي، والمسلسل بيبين قصة كفاح وصعود عبدالغفور البرعي.