منة شلبي عن تصرف يسرا لحظة تمزق فستانها: كنت عارفة إن ورايا سند وضهر

علقت الفنانة منة شلبي على الموقف الإنساني السريع للفنانة يسرا أثناء تعرضها لموقف محرج على المسرح، بعد تمزق فستانها خلال إحدى الفعاليات، مؤكدة أنها كانت على ثقة كاملة بتصرف يسرا في تلك اللحظة.

وقالت منة شلبي في تصريحات تليفزيونية: "بيني وبين يسرا علاقة إنسانية قوية جدًا، قولتلها إلحقيني الفستان اتفك وأنا بسلم عليها، هي مسكته وأنا عارفة إن ورايا سند وضهر، فكنت بتكلم بثقة كأن مفيش حاجة، لأني متأكدة إنها عمرها ما هتسيب الفستان".

وأضافت منة شلبي: "اللحظة دي كانت كبيرة جدًا بالنسبة لي، والبنت الصغيرة اللي يسرا رشحتها زمان في مسلسل أين قلبي شافتها وهي بتكبر قدام عينيها".

وعن تكريمها الأخير، قالت منة شلبي: "التكريم كان كبير أوي بالنسبة لي، لأن حياتي كلها مكرسة للشغل.. أنا بدأت من وأنا عندي 16 سنة، ولو في ارتباط في حياتي فهو شغلي، أنا اتجوزت شغلي طول عمري".