منة عرفة في تصريحات جريئة: المساكنة حرام لكن مفيدة

تصدر اسم الفنانة منة عرفة التريند بمؤشر البحث الأشهر «جوجل»، ومواقع التواصل الاجتماعي المختلفة، بعد تصريحاتها الجريئة خلال الساعات الماضية.

قالت الفنانة منة عرفة في تصريحات تلفزيونية لها: «المساكنة أرفضها وحرام دينيًا ولكن مفيدة اجتماعيًا لأن الناس بتقدر تعرف بعض كويس أوي من خلال المساكنة».

تصريحات منة عرفة

وتابعت: «في ناس بتفضل تحب بعض بالسنين ومع أول سنة جواز بيطلقوا بسبب إنهم ماعرفوش طباع بعض.. وأكتر حاجة بتخليكي تعرفي الناس هي السفر لما تسافري مع حد هتقدري تعرفي طباعه وأخلاقه في حاجات لازم الشخص يعيش معاكي علشان يعرفها وأنا بفضل إن فترة الخطوبة تطول ونقعد مع بعض طول اليوم في البيت ونحقق المساكنة بطريقة شرعية».

وأشارت منة عرفة إلى أنها تحب برامج مقالب الفنان رامز جلال، معلقة: «بحب أطلع معاه في المقالب ومكنتش أعرف بالمقلب وبعدها ضربته جامد ولكن صالحني وضحك عليا وخلاص عادي».

منة عرفة

منة عرفة ومايان السيد

وأعربت الفنانة منة عرفة عن حبها للفنانة مايان السيد، وقالت عنها: «شاطرة وموهوبة وعنيدة ومثابرة وبقينا أصحاب بعد المسلسل، ومابشغلش بالي بالمقارنة بيني وبينها لأن كل واحد دوره بيكون متفصل عليه وكلنا بنساعد وبنكمل بعض في العمل.. وأنا مكنتش أعرف مايان قبل مسلسل إلا أنا».

واختتمت: «وبدأت أشتغل معاها كان نفس الحب اللي مابين شخصيات المسلسل مروة وخديجة كان حاصل بيني وبين مايان ولو مكنش حقيقي موجود مش هيظهر للناس».

تنتظر منة عرفة طرح أحدث أعمالها السينمائية «أسود ملون»، والمقرر طرحه قريبًا، والعمل من بطولة بيومي فؤاد، رنا رئيس، أحمد فتحي، محمد كيلاني، ميس حمدان، عصام صاصا، إبرام سمير، صبا الرافعي، محمود حافظ، طاهر أبو ليلة، وآخرين، والعمل من إخراج حسن البلاسي.

منة عرفة