منة فضالي: أنا عنيدة وبرشح محمد فهيم لجائزة الأوسكار

فتحت الفنانة منة فضالي قلبها وكشفت الكثير من الكواليس وأوضحت بعض الأمور التي فهمها الجمهور بشكل خاطئ الفترة الماضية بعد مسلسل جعفر العمدة.

تصريحات منة فضالي

كشفت الفنانة منة فضالي كواليس دورها في مسلسل جعفر العمدة، والذي عُرض خلال الماراثون الرمضاني 2023، معلقة: الناس تقبلت صراع الزوجات، وفي ناس نفسها تجرب اللي إحنا عملناه في المسلسل، وبقول إحنا بنهزر وفي أشياء من خيال المؤلف، لكن لا شك أن هناك رجال تزوجوا 4 سيدات، وكل سيدة لها حياتها.

منة فضالي

وقالت منة فضالي في لقائها مع الإعلامية شيرين سليمان، ببرنامج «سبوت لايت» المذاع على قناة صدى البلد، إن شخصيات المسلسل في منهم الحقيقية على أرض الواقع، بنت الأكابر اللي شايفة نفسها على الناس، والفقيرة اللي عايزة تعيش حياتها.

ونوهت منة فضالي: فوجئت بدور أحمد فهيم وأول مرة اشتغل معاه، وبرشحه لجائزة أوسكار السنة دي، لافتتة إلى أن أصعب مشهد في المسلسل كان لحظة تسقيط الطفل.

منة فضالي ومسلسل جعفر العمدة

وقالت منة فضالي: أنا مش بحب النكد وطول الوقت في اللوكيشن بهزر وأضحك مع الناس، معملتش كوميدي قبل كده ومش بشوف دمي خفيف، ودي أول مرة في حياتي أعمل كدا، والحمد لله كنت موفقة فيه.

واستكملت منة فضالي في تصريحاتها في سبوت لايت: أنا ممثلة دراما وفي أدوار كوميدي مش بتخدم الممثل وأحيانا بتضره، ولو جالي دور كوميدي ممكن أوافق وممكن لأ، بشرط انها تكون دمها خفيف مش تقيل.

وأضافت منة: نادر أوي لما ألاقي ممثلة كوميدي على الساحة، وأنا بحب ياسمين عبدالعزيز أوي.

منة فضالي تتحدث عن هالة صدقي

وعن هالة صدقي، قالت منة فضالي، انها مسلسل لوحدها وصديقة عزيزة عليها، وقالت: 'هالة صدقي صديقة عزيزة، وفيه كيميا حلوة بينا وحب وأنا بحترمها أوي والشغل بينا طالع لطيف اوي'.

وأضافت منة فضالي: 'أنا شخصية عندية جدا، وبكون متآمرة على نفسي طول الوقت، وعندي قناعة إن اللي شايفاه صح بيطلع غلط، لكنها مجازفة فيها جرأة، حتى لو هخسر'.

منة فضالي تتحدث عن محمد رمضان

وقالت منة فضالي، في تصريحات ببرنامج سبوت لايت تقديم الإعلامية شيرين سليمان المذاع على قناة صدى البلد: مشتغلتش مع محمد رمضان في لوكيشن قبل كدة، ولكن أنا أعرفه شخصيا.

وتابعت منة فضالي: محمد رمضان في اللوكيشن فنان هايل وملتزم وبروفيشنال ومتواضع وجدع مع كل الناس وبيحب كل الناس، ومعرفش ليه بيطلع عليه شائعات.

منة فضالي والمخرج محمد سامي

وأضافت منة: قابلت المخرج محمد سامي بعد عرض المسلسل وكان فرحان بينا كلنا وأكتر واحد كان عارف قد إيه ملتزمين وتعبنا أوي في المسلسل، وأنا شخصيا بتمنى كل الناس تنجح.

موقف تعرضت له منة فضالي بسبب دور نرجس

وقالت منة، في تصريحات ببرنامج سبوت لايت تقديم الإعلامية شيرين سليمان المذاع على قناة صدى البلد: صحابي كل ما يكلموني يضحكوا، وفيه حد من صحابي جالي بكيس ملح وقالي مش ضامنك ممكن الدور يكون أثر فيكي.. مش ضامنك.

أضافت منة فضالي في تصريحاتها: مش بحب أخرج كتير، وبحب أطبخ جدا، وأقعد أتفرج على المسلسلات، ومش بحب الخروف، ومش بسمع مزيكا وأغلب وقتي بقضيه مع الكلاب وعندي 3 كلاب جيرمان.

منة فضالي وفيلمها الجديد

كشفت الفنانة منة فضالي كواليس فيلمها الجديد 'مغامرات كوكو'، والتي ستكون فيه ضيفة شرف، وذلك مع أوس أوس وخالد الصاوي وبيومي فؤاد.

وقالت منة فضالي في لقائها مع الإعلامية شيرين سليمان، ببرنامج «سبوت لايت» المذاع على قناة صدى البلد: أمنيتي الفترة المقبلة عمل دور مختلف زي فلاحة أو مجنونة أو مدمنة، أو أدوار تاريخية أو بوليسية أو أكشن.

وأشارت منة فضالي إلى أنها هي المسؤولة عن إدارة صفحاتها على التواصل الاجتماعي، معلقة: في حد كان ماسك لي الصفحة وكان عامل لي مشكلات مع الجمهور.

منة فضالي ومسلسل سره الباتع

وأنهت منة فضالي حديثها: مشهد في سره الباتع تعبني نفسيا وطول اليوم كنت في مود عياط وأستاذ خالد كان كل يوم يقولي جاهزة للمشهد، وفي الآخر كان بيأجله لعدم جاهزيتي ليه، وأنا مش بحط قطرة في عيني عشان أعيط في المشهد، وعياطي بيبقى طبيعي بحسب الكلام وده معتمد على الأحاسيس.

منة فضالي: بحب أغير شعري كل شوية وممكن ألبس باروكة

منة فضالي: بسبب دوري في جعفر العمدة حد صاحبي جالي بكيس ملح

منة فضالي: نفسي أمثل دور فلاحة أو مجنونة أو مدمنة .. فيديو

منة فضالي: محمد رمضان فنان بروفيشنال ومتواضع وبيحب كل الناس

منة فضالي: أنا متآمرة على نفسي واللي شايفاه صح يطلع غلط.. فيديو