منة فضالي: اتعملي سحر من خطيبي ومفيش خلاف بيني وبين دينا الشربيني

تحدثت الفنانة منة فضالي عن تعرضها للسحر من قبل، من خلال سمكة، كما تحدثت عن تفاصيل القبض على مساعدتها عقب سرقتها لمجوهرات الفنانة دينا الشربيني.

منة فضالي تكشف كواليس تعرضها للسحر

كشفت الفنانة منة فضالي في تصريحات تلفزيونية حقيقة تعرضها للسحر على يد فنانة، وقالت: «ده طليقي مش فنانة، واحدة قالتلي طليقي كان طلب مني أعملك عمل وأرميهولك في البحر والعمل ده اتفك لما السمكة ماتت، بس ده طبعا كلام هبل مافيش حاجة اسمها كدا».

قصة مساعدة منة فضالي والقبض عليها

كما تحدثت منة فضالي عن مساعدتها التي تم القبض عليها بتهمة سرقة دينا الشربيني، وقالت: «اتقال إننا على خلاف لكن محصلش ومتخانقتش مع دينا الشربيني، اللي حصل إن المساعدة اختفت يومين وأختها اللي كانت معايا في اللوكيشن ومنعرفش عنها حاجة واضطريت أنزل البوست على فيس بوك عندي، لحد ما بنتها كلمتني وقالتلي لقينا ماما محبوسة، وكلمت دينا الشربيني وقالتلي أنها في دبي ولكن لما تنزل هتطلعها وتتنازل عن المحضر».

وأضافت منة فضالي: «فعلًا دينا الشربيني نزلت واتنازلت عن المحضر وطلعوها، ومعرفش هي سرقت ولا لا لأن ممكن يكون حد حابب يوقع بينها وبين دينا، وأصلًا مش دينا اللي مبلغة عنها دي بلغت على أن مجوهراتها اتسرقت ولكن حد بلغ أنها المساعدة، لكن مافيش بيني وبين دينا أي خلافات».

منة فضالي: ياسمين صبري ممثلة مش موهوبة ومقبلش اسمها يسبقني على التتر

منة فضالي: أبويا رماني وأمي كانت هتموت قبل ما تولدني

منة فضالي تدعو لوالدتها: ربنا يشفيكي انتي بنتي مش أمي

منة فضالي تحتفل بعيد ميلاد عمرو محمود ياسين: كل سنة وانت أحسن حد

مسلسلات رمضان 2023 .. منة فضالي تحتفل بانتهاء تصوير «سره الباتع»