منة فضالي: بحب أغير شعري كل شوية وممكن ألبس باروكة

إسماعيل هاني 29 ابريل 2023 | 08:23 صباحاً

تحدثت الفنانة منة فضالي عن تفاصيل عديدة حول حساباتها على السوشيال ميديا والشخصيات التي تتمنى تقديمها ومشهد تعبها نفسيا في مسلسل سره الباتع.

وقالت منة، في تصريحات ببرنامج سبوت لايت تقديم الإعلامية شيرين سليمان المذاع على قناة صدى البلد: أنا اللي بدير السوشيال ميديا دلوقتي ومعنديش حد، وكان معايا حد قبل كدة ماسك صفحاتي عاملي مشاكل مع الجمهور.

منة فضالي:السوشيال ميديا أفادتني وضرتني

وأضافت منة فضالي: السوشيال ميديا أفادتني وضرتني في نفس الوقت، وفيه شائعات بتخدم الممثل أحيانا، ومش حلو الفنانين اللي بينزلوا شائعة عشان ياخدوا تريند.

واستكملت منة فضالي: عندي حاجات كتيرة عايزة أعملها وأدوار تكون مختلفة زي فلاحة ومجنونة ومدمنة وشخصية تاريخية ومريضة نفسيا وحاجة بوليسي وعمري ما عملت أكشن ونفسي أعمله.

وأوضحت منة فضالي في تصريحاتها ببرنامج سبوت لايت: في مشاهد عملتها من غير ميك أب ومش بخاف من ده، وفي مسلسل سره الباتع أول حلقتين كنت عاملة مكياج وباقي مشاهد المسلسل بدون ميك أب.

وأضاف منة: بحب أغير شعري كل شوية سواء في الصيف أو الشتاء، وممكن ألبس باروكة في المسلسل.

منة فضالي:مشهد في سره الباتع تعبني نفسيا

وأنهت منة فضالي حديثها: مشهد في سره الباتع تعبني نفسيا وطول اليوم كنت في مود عياط وأستاذ خالد كان كل يوم يقولي جاهزة للمشهد، وفي الآخر كان بيأجله لعدم جاهزيتي ليه، وأنا مش بحط قطرة في عيني عشان أعيط في المشهد، وعياطي بيبقى طبيعي بحسب الكلام وده معتمد على الأحاسيس.

منة فضالي