منة فضالي تتجاهل زينة في رسالتها لطاقم عمل جعفر العمدة

دينا دهب 21 ابريل 2023 | 09:48 مساءً

تجاهلت الفنانة منة فضالي، ذكر اسم الفنانة زينة خلال كتابتها رسالة لطاقم عمل مسلسل جعفر العمدة، الذي انتهى عرضه اليوم الجمعة 21 ابريل.

منة فضالي تتحدث عن مسلسل جعفر العمدة

قالت الفنانة منة فضالي: 'تمت بحمد الله جعفر العمده الف حمد وشكر ليك يا رب، نجاح كبير بفضل الله ومجهود ناس كتير تعبو من قلبهم علشان الشغل يطلع بالحب ده، انتاج، اخراج، تصوير اغاني، موسيقي الحان توزيع، اكسسوار، صوت مونتاج، ديكور، ملابس، خدمات والصوت الرهيب صوت مصر النجم أحمد سعد وفوق كل ده مايسترو العمل المخرج الجميل العزيز الغالي الاستاذ محمد سامي شكرًا من قلبي علي كل تعبك و مجهودك ربنا يرضيك انت اه وصديق بعتز بي قبل الشغل بشكرك علي العمل المحترم اللي جمع شعوب وبيوت واهالي'.

رسالة منة فضالي لمحمد رمضان

وتابعت: 'شكرًا للنجم اللي بحبو من قلبي علي رجولته وجدعنته وحبه للكل من الصغير للكبير النجم محمد رمضان من نجاح لنجاح يا جعفورتي وحقيقي اتشرفت بالشغل معاك انت اضافه لاي حد يشتغل معاك'.

منة فضالي تتجاهل زينة

واستكملت منة فضالي حديثها، وقالت: 'زملائي واصدقائي النجوم اللي بعشقهم مع حفظ الالقاب اهم واحده الاول صفصف البونبونايه هاله صدقي بحبك وحظي حلو اني اشتغلت معاكي كفايه حبك وخوفك وجدعنتك، ايمان العاصي روح قلبي بحبك بجد وانتي عارفه و الشغل بنا كان ممتع عقبال ما نتقابل في عمل تاني بس العكس اوريكي انا الشر يا بنت فتح الله، مي كساب اطيب قلب اول مره نشتغل سوا وبجد من احلي الناس اللي اشتغلت معاهم بحبك يا ثريا و اديكي لهفتي جعفر اتهدي بقي، عصام السقا صاحبي العسل الجدع احمد فهيم الجوكر احمد داش عظيم بجد بجد منذر رياحنه المبدع صاحبي اللي بحبو اوي اوي احمد عبدالله'.

واختتمت حديثها، وقالت: 'اخيرا يا كارم جعفر عمل منك بطاطس رهيب بجد يا احمد، غاده فلفل امي العسل شكرا للجميع و شكرا للجمهور والنقاد و الاعلام شكر كبير للشركه المنتجه ميديا هب علي الشغل و الانتاج العظيم حتوحشونا'.