منة فضالي عن التدخل في حياة الفنانين: «يا ساتر.. الواحد قرف بجد»

أعربت الفنانة منة فضالي عن استيائها الشديد من موجة الانتقادات والتدخلات المتكررة في حياة الفنانين الشخصية، مؤكدة أن ما يحدث من تجاوزات على مواقع التواصل الاجتماعي تجاوز حدود الاحترام والرغبة في الفضائح بحثًا عن "التريند"، بدلًا من دعم الفنانين بالكلمة الطيبة.

وفي منشور مطول عبر حسابها الرسمي على فيسبوك، كتبت منة فضالي قائلة: "إيه قمة الحقد ده والكلام غير المحترم؟ ما تسيبوا الناس في حالها، اللي يتجوز باركوا وقولوا كلمتين حلوين، واللي ينفصل نقول ربنا يهدي النفوس.. إيه فجأة بقيتوا بتفهموا وماشيين على الصراط المستقيم وأنتم كلكم عيوب؟".

وأضافت منة فضالي، قائلة: "هو يا نفضح ونغلط علشان نوصل تريند، يا إما نعمل حمامات سلام علشان تكسبوا الطرف التاني؟، عالم منافقة وكذابة، أعوذ بالله منكم. ليه ندخل في حياة الناس؟ ليه؟ إيه الحكمة؟ بتستفيدوا إيه بالغلط والشتيمة والفضايح؟ ليه ما بتتمنوش الخير لغيركم؟ صفوا النية، خلي في قلوبكم شوية رحمة".

وأختتمت منة فضالي حديثها، قائلة: "محدش عايش في بيوتنا علشان تكتبوا وتتكلموا عننا.. فلان اتجوز، فلان طلق علشان فلان، فلان كان مصاحب فلان... أنتم مالكم؟ يا ساتر، الواحد قرف بجد".

وتفاعل عدد كبير من متابعي منة فضالي مع منشورها، مؤكدين دعمهم الكامل لكلامها ومطالبين بوقف التنمر والتجريح بحق الفنانين، خاصة مع ما يواجهونه من ضغوط مهنية وشخصية في ظل تسليط الأضواء الدائم عليهم.