شوبير يفتح النيران على منتخب ألمانيا بعد خسارته أمام اليابان في كأس العالم 2022

علق الإعلامي أحمد شوبير، عضو مجلس اتحاد الكرة السابق، على خسارة المنتخب الألماني أمام اليابان بهدفين مقابل هدف، في افتتاح مشوار الماكينات الألمانية في مونديال قطر 2022.

وقال شوبير في تصريحات إذاعية:' اليابان تستكمل المفاجآت وتحدث زلزالًا في ألمانيا بالفوز على 'خواجات' ألمانيا بهدفين مقابل هدف، حطوا إيديهم على بقهم في الصورة، وطالعين عاوزين يفرضوا وجهة نظرهم على العالم، في نظام.. ماتمشوا كلكم مع النظام'.

منتخب ألمانيا

وأضاف:' مش لازم تفرض وجهة نظرك عليا، بتتكلم عن الديموقراطية.. الديموقراطية اختارت إن يبقى في التزام بقوانين الدولة اللي انت موجود فيها'.

وتابع:' الاتحاد الألماني أصدر بيانًا إنه مش هيسكت.. تسكت على ايه؟ فكر في لعبك ونتيجتك ومكسبك، ياريتك سكت..كنت كسبت، أتاريك لمؤاخذة الناس كلها بتتكلم عليك دلوقتي..خسران من اليابان'.

منتخب ألمانيا

وأشار:' كلنا قبل المونديال قولنا ألمانيا وإسبانيا.. دلوقتي بنقول إسبانيا واليابان، اليابان تكسب كوستاريكا وصلت للدور التالي، وألمانيا باللي إنا شوفته إمبارح، وإسبانيا بزلزال سباعية كوستاريكا، إذا ألمانيا قدرت تتعادل مع إسبانيا تبقى معجزة'.

وأتم:' كل واحد يركز في شغله، الألمان كانوا محط احترام العالم كله، ليس لديهم نجوم طاغية مثل ميسي وبيليه وماردونا، أشهر لاعب في ألمانيا كان بيكنباور..وهو مدافع، وحراس المرمى شوماخر، نوير، ونوير قال إنه عنده سرطان الجلد في الوجه، وربنا كرمك وشفاك، أحمد ربك، هو موضوع الشارة دي إللي أنت هترتديها هى إللي هتقلب الدنيا؟'.

إلكاي جوندوجان يحرز الهدف الأول لمنتخب ألمانيا في مرمي اليابان

أحمد شوبير: كان نفسنا نخلص مباراة بلجيكا ونطلع على قطر للمشاركة بكأس العالم