منى فاروق تستغيث بأشرف زكي: بقيت منبوذة أبوس إيديكم عايزة أشتغل

علقت الفنانة منى فاروق على قرار اعتزالها الذي أعلنته قبل ساعات، قائلة: «الكلام اللي بقوله ده خارج خالص عن فكرة إني أخد التريند».

تصريحات منى فاروق

كتبت منى فاروق في منشور عبر خاصية الستوري التابعة لصفحتها الرسمية بموقع انستجرام، قائلة: «وأعمل زي أي حد أنا قولت أعتزل الفن لسبب واحد بس هو ده مصدر رزقي الوحيد اللي أنا بحبه وعاوزة أشتغله».

وتابعت: «لكن لما أوصل لمرحلة إني مش عارفة أدفع إيجار بيتي حاجة تتعب أنا محتاجة أشتغل عشان أعيش زي أي بني آدمة طبيعية أنا غلطت وربنا بيسامح ليه البني آدمين مش عاوزين يسامحوا».

منى فاروق

منى فاروق تناشد أشرف زكي

واستكملت الفنانة منى فاروق: «أنا بسمع بودني لا بلاش منى عشان الفيلم والدعاية ميضرش الفيلم أو المسلسل .. ليه ياربي أنا بقيت منبوذة من كل الناس ومش طالبة غير أشتغل في الحاجة اللي بحبها عشان أعرف أعيش المجتمع حطنني في المكان الوحش بس».

وقالت أيضًا: «مش يمكن عازوة أبقى كويسة زي أي واحدة ليه بتقفلوا قدامي كل حاجة عشان كدة أنا بناشد دكتور أشرف زكي والأستاذ أشرف عبد الباقي وشركات الإنتاج.. محتاجة الشغل عاوزة أعيش ولما قولت قرار اعتزل من أجل لو حد شافني بشتغل في محل لبس أو أي شغل ميقولش إيه ده والله مش طالبة غير اشتغل أبوس إيديكم عايزة اشتغل».

منى فاروق

منى فاروق