من الذاكرة| ماري منيب: نجيب الريحاني صوته كان تخين وميعجبنيش تمثيل اليومين دول

ماري منيب اعتبرت أن أفضل فترات حياتها، عندما كانت تعمل مع الضاحك الباكي نجيب الريحاني، وأشارت إلى أنها لا تحب تمثيل البعض من الذين يستخدمون الضرب والشقلبة من أجل اضحاك الجمهور.

ماري منيب تتحدث عن نجيب الريحاني

قالت ماري منيب في لقاء نادر لها مع الإعلامي وجدي الحكيم: «ليا أيام فرح وأيام سعادة، كنت سعيدة جدًا فيها ومكنتش افهم فيها طعم الصدمات، أيام الله يرحمه نجيب الريحاني، مكنتش اتعرضت لصدمات غير صدمة واحدة لما جوزي سابني، وبعدها ربنا خد بيدي ونجحني نجاح كبير مع نجيب الريحاني».

ماري منيب

وتابعت: «يا سلام على نجيب الريحاني وعلى تمثيل نجيب الريحاني وعلى القاء نجيب الريحاني، نجيب الريحاني  كان صوته وحش صوته كان تخين ومخنشر بس كان بيلون فيه زي المغنى تمام، كان لما يقف على المسرح يعمل حركة بصباع ايده أو رجله الناس تضحك، كان ثابت وكان عظيم جدًا».

ماري منيب

ماري منيب تنتقد التمثيل الحديث

وانتقدت ماري منيب التمثيل الحديث، وقالت: «دلوقتي بيقفوا جنب بعض ده يضرب ده وده يضرب ده، هو ده تمثيل ياخواتي، التمثيل تمثيل، هو معنى التمثيل إيه، معناه القي الجملة بتمثيل، ابقى ممثلة، القيها بحركة طريفة بإيدي تضحك، مش بإني اضرب حد».

ماري منيب

وأضافت: «كل واحد له شخصيته، فلما كل واحد يقف على المسرح بشخصيته سواء بوزن زائد، أو حلوة، أو بملابس قصيرة تلفت النظر، فليه الشقلبة، وعشان كده أنا ميعجبنيش تمثيل الأيام دي ابدًا».

في الذكرى الـ9 لوفاة عامر منيب : «تزوج من خارج الوسط الفني..ورحل بعد معاناة مع سرطان القولون»