من هو الفنان عاطف سعيد ؟.. شارك في 90 عمل والحسرة سيطرت على أيامه الأخيرة

من هو الفنان عاطف سعيد سؤال طرحه عدد كبير من الجمهور الفترة الماضية، وذلك عقب وفاته بساعات قليلة، وحديث متابعيه وأصدقاءه عنه.

من هو عاطف سعيد؟

• ممثل مسرح وسينما وتليفزيون
• ولد 30 سبتمبر 1976
• بداياته الفنية كانت عام 2000 في مسلسل يا رجال العالم اتحدوا
• قدم ما يقرب من 90 عمل فني
•  وقف أمام كبار النجوم مثل محمد هنيدي ومحمود عبد العزيز وحنان ترك وهند صبري وعادل إمام وتامر حسني ومحمد رمضان وعمرو سعد.

صديق عاطف سعيد يكشف كواليس عنه

عاطف سعيد، يبدو أنه عاش أيامًا صعبة قبل أن يرحل عن عالمنا الساعات القليلة الماضية، حيث حرص أحد أصدقاءه الكثير عن جوانب ومشاهد صادمة في حياة الفنان عاطف سعيد لا يعلمها جمهوره.

كتب أحد أصدقاء عاطف سعيد، عبر حسابه بموقع التواصل الاجتماعي 'فيسبوك': 'انتقل إلى رحمة الله تعالى منذُ قليل الفنان الاستاذ عاطف السعيد، سامحوني على الكلام اللي هقوله ده لكن انا حزنت حزن شديد لما عرفت الخبر'.

وتابع: 'كنت كل ما اعدي من جنب قهوة صدفة اللي جنب المعهد كنت الاقي عم عاطف قاعد لواحده مهموم كان أول ما يشوفني يقولي تعالى أقعد أشرب معايا شاي أقعد معاه يقعد يشتكي ليا من قلة الشغل ويحكي ليا قد ايه هو بيحب الفن ومش عارف يعمل حاجة غيره رغم ظروفة الصحية والمادية الصعبة ويقعد يحكي ليا عن مواقف و وعود كاذبة بياخدها من نجوم كبار، وإنه عايز ينزل تصوير بأي شكل'.

منشور صديق عاطف سعيد

أخر لقاء بين عاطف سعيد وصديقه

وكشف صديق عاطف سعيد، عن أخر لقاء له معه، وقال: 'كانت اخر مرة شوفته كانت من حوالي أسبوعين كنت في تصوير ولقيته هو وابنه اللي ربنا يتولاه من بعده في اللوكيشن بالصدفة فبسأله بتعمل ايه هنا يا عم عاطف رد وقالي جاي اسعى واقابل المخرج والنجم فلان عشان كان قايلي انك معايا في المسلسل اللي جاي وقالي يا عمر أنا ممكن اعمل زي ناس كتير وانزل بوست واطلب شغل واعمل زي كل اللي بيعملوا كده النهاردة، لكن كرامتي متسمحش ليا اعمل كده'.

وأضاف: 'اللي مزعلني بجد إنه كان مكلمني من أسبوع كده وطلب مني إني اروح معاه لشركة لم عرف إن صاحب الشركة صديقي وأنا وعدته أول ما ارجع القاهرة هكلمه ونروح سوى وسبحان الله كان في بالي امبارح إن اكلمه وأقوله إني راجع خلال يومين لكن ربنا افتكره'.

واختتم حديثه، وقال: 'عم عاطف كان راجل محترم ومكافح وعنده عزة نفس عم عاطف كان فنان جميل وقدر يعلم معانا بمشاهد بسيطة لكن اثبت وجوده بيها وطول ما أنا معاه كانت الناس لم تشوفه تجري تتصور معاه وكان يبقى فرحان اوي

وسامحوني على كلمة عم لكن أنا كنت متعود اقولها له، الأستاذ عاطف مات بحسرته لكن راح لربنا العدل، وكان في كلام كتير لكن للأسف مش كل الي اتقال يتحكي، ربنا يرحمه ويغفر له ويسكنه فسيح جناته ويلهم أهله وذويه الصبر والسلوان'.

عاطف سعيد

وفاة عاطف سعيد

جدير بالذكر أن الفنان عاطف سعيد، توفى صباح اليوم الخميس 23 فبراير، بدون ذكر السبب وراء وفاته، ويشيع جثمانه اليوم عقب صلاة العصر.

موعد ومكان جنازة الفنان عاطف سعيد صديق الفنان عاطف سعيد يكشف مشاهد صادمة قبل وفاته: مات بحسرته وفاة الفنان عاطف سعيد وترتيبات لتشييع الجنازة