مها أحمد: بقرأ قرآن قبل ما أطلع لايف ورافعة 4 قواضي على فادي خفاجة

كشفت الفنانة مها أحمد تطورات جديدة بشأن خلافها مع الفنان فادي خفاجة، كما ردت على انتقادات ظهورها على موقع الفيديوهات الشهير «تيك توك».

قالت مها أحمد في تصريحات تلفزيونية لها: «عندي شهوة للستر إن أي حد يقول عليا حاجة وحشة أو حاجة مش فيا، وأنا ناجحة، ومؤمنة جدًا بالحسد وبحب ألبس حاجة زرقا عشان تحميني من الحسد».

تصريحات مها أحمد

وتابعت: «بقرأ قرآن قبل ما أطلع لايف وأثناء اللايف على تيك توك، لأن معظم الفنانين قاعدين بيتفرجوا عليا ويحسدوني على الريتش بتاعي، زي اللي أنا رافعه عليه قضية».

وقالت مها أحمد عن تطورات خلافها مع فادي خفاجة: «رافعة 3 قواضي على فادي خفاجة، ومجدي قضية وهما سب وقذف وتحرش، وغير إني هرفع قضية على منصة التيك توك، وهي مضمونة وأكسبها وأنا مغمضة لأنه حقي وعندنا قانون وقضاء عادل هيجيبلي حقي بالقانون».

مها أحمد

مها أحمد وفاروق فلوكس

وكشفت حقيقة خلافها مع الفنان فاروق فلوكس، قائلة: «عرفت إن المسرح بيكرم الأستاذ فاروق فلوكس، فقلت لصديقتي ومديرة تحرير برامجي، بفكر أروح علشان أحضر التكريم واعمله مفاجأة يمكن يفرح».

وأضافت الفنانة مها أحمد: «قالتلي إزاي ده شتمك، رغم إني مش فاكرة إني اشتغلت معاه، فسألت مقربين قالولي إننا عملنا مسرحية مع بعض، وهو بالنسبالي تاريخ.. كنت بعمل بطولة مسرحية، فكان في الشغل بيقرب مني أوي، بيلزق فيا أوي، وبيندفع بالكلام وده بيضايقني، وكان يخرج عن النص لأنه كان جاي علينا جديد ومش حافظ».

واختتمت: «كان يرتجل بـ كلام مينفعش يتقال على مسرح دولة، فاشتكيت للمخرج قلت له بعد إذنك لما يجي يشتغل معايا ميقولش ألفاظ خارجة، فالزميل المذيع والممثل، مردش حقي وجه يلم الموضوع معرفش أصل الارتجال ده عايز إمكانيات».

مها أحمد

فادي خفاجة