مها أحمد: غروري خسرنّي كثير.. و بظهر على التيك توك بشكل محترم

أكدت الفنانة مها أحمد على أنها تقوم بادورا البطولة منذ أن دخلت مجال التمثيل، وليس كـ كومبارس مثلما يُقال، مشيرة إلى أنها ليست مغرورة، ولكنها تسعى لذلك من أجل أن تصبح تريند.

علقت مها أحمد، أحمد في تصريحات تليفزيونية، على وصفها بالغرور قائلة: «مش عندي غرور لكن بحاول اخليه عندي، يمكن اطلع تريند، غروري في بداية حياتي خلاني ارفض ادوار وخسرني كتير، واي حد لازم في بداياتي معملش كده».

أضافت مها أحمد، قائلة: «عملت بطولة مسلسلين ومسرح وفيلم، فا أنا بطلة من بدايتي مش زي ما الناس بتقول انتي بتطلبي شغل يا كومبارس، مع اني اتشرف بكومبارس لأنه بني آدم».

وتحدثت مها أحمد على ظهورها على منصة تيك توك، قائلة: «الناس فاهمة غلط، وجوزي مجدي كامل لو مش موافق مش هعمل كده لأنه راجل اوي وبحترمه، واللايفات التانية اللي مش حلوة مش من مصر لأن كل بلد ليها قواعد».

وأضافت  مها أحمد، قائلة: «في نجوم بيجلها أدوار من تيك توك وفيه نجوم كوميديا طلعت على تيك توك وعملوا مسابقات ومطرب مشهور جدًا وبيطلع يعمل تحديات وبيجيلوا دعم ولو هما مش عايزين او مش قاصدين المكسب منه، ممكن يقفلوا زرار الهدايا من البرنامج، والمنصة مش بتكسب إلا مشاهير التيك توك، انما انا لو عايزة اكسب هطلع طول اليوم مش هنام، اللي بيبعت هدايا دول بيدعموا من باب زكاة أو صدقة، لكن أنا بكسب علاقات مش فلوس، المنصة معمولة للمواهب اللي مش عارفين يطلعوا، واحنا بنطلع بشكل حلو كفنانين وبندعم بعض».