موقف الفنان مصطفى حشيش من دخول ابنته الفن: إزاي تسيب بيتها 20 ساعة

ياسمين حمادة 04 يونية 2023 | 07:42 صباحاً

أوضح الفنان مصطفى حشيش موقفه من دخول ابنته الفن، قائلًا: «أنا شايف الفنانين بيتعبوا إزاي».

مصطفى حشيش ودخول ابنته الفن

قال الفنان مصطفى حشيش في تصريحات تلفزيونية له عن دخول ابنته مجال الفن: «غير كدة إزاي واحدة تسيب بيتها بالـ 20 ساعة عشان بتصور، الموضوع صعب ومينفعش مع احترامي للزملاء الفنانين ولذلك لا أريد لابنتي أن تقصر في حق بيتها وزوجها».

ومن الأسرار التي كشفها أيضًا، قال: «في مطلع الثمانينيات اشتغلت في أفلام المقاولات علشان أكون نفسي وأعمل فلوس وكان في وقتها لازم أعمل كدة، وعمري في حياتي ما شربت خمر ومزاجي الوحيد كوباية القهوة السوداء، وأنا اللي بغسل شرابي بنفسي وأعمل القهوة لنفسي».

وعلق على عمل المرأة قائلًا: «لو الست مش مضطرة إنها تنزل الشغل متشتغلش، لأن نسبة البطالة عندنا عالية والشباب ماليين الشوارع وعندنا ستات موظفات».

مصطفى حشيش

رأي مصطفى حشيش في عمل المرأة

وتابع قائلًا: «مدام مديحة اللي في الرابع لو قعدناهم في البيت ونص مرتبهم يضاف على مرتب جوزهم اللي شغال في وظيفة تانية، هيكون فيه فرصة للشباب يشتغلوا ومفيش ست تقول للراجل أنا بشتغل زيي زيك».

واختتم: «والبنت لو باباها مكفيها متشتغلش لحد ما تتجوز ولو جوزها كفاها متشتغلش خالص، ولو الست شغالة ومبتساعدش في مصاريف البيت الراجل المفروض يجبرها على إنها تبطل شغل».