ميار الببلاوي عن أزمة أحمد السقا ومها الصغير: حقها ترتبط وحرقة قلبه مش عليها

علقت الفنانة ميار الببلاوي على أزمة طلاق أحمد السقا ومها الصغير، وأبناء ارتباط الأخيرة واستعدادها للزواج.

كتبت ميار الببلاوي في منشور عبر حسابها الشخصي بموقع فيس بوك: «مش عارفة أنام من زعلي على أخويا وعشرة عمري أحمد السقا والله ما ببالغ لأني عارفة أحمد كويس أوي حتى لو السنين بعدتنا وعارفة إحساسه يا قلبي دلوقتي الفروسية اللي في شخصية أحمد مش بيظاهر بيها يا جماعة».

تصريحات ميار الببلاوي عن أحمد السقا

تابعت: «هو فعلا جواه فروسية نادرة في الزمن ده راجل بيته.. حنين على مراته وولاده.. لسة فاكرة اليوم اللي شاف فيه مها وقرر يخطبها وكنا بنصور مسلسل رد قلبي في استوديو الأهرام وأنا ورامز كنا قاعدين بنحفظ مشهد دخل وقال لي ميورة عاوزك قلتله في إيه خضتني».

واستكملت ميار الببلاوي: «وساعتها كان صاحبه أوي الفنان الجميل أخونا خالد محمود قالي باركي لأخوكي قلتله ليه مسلسل جديد قالي لا هخطب مها الصغير قلتله يا شيخ قالي اه وبحبها أوي قلتله دي قمرايه وباباها أخلاق وكلنا بنحبه فعلا وشه كان بيتنطط من الفرحة ومرت السنين وطلعنا الحج سوا وكانت معانا مها خوفه عليها واهتمامه بيها والله شهاده حق راجل بمعنى الكلمة وهى كانت جميلة وكيوت وبتسمع كلامه وبتحترمه».

أزمة أحمد السقا ومها الصغير

وأضافت في حديثها عن أحمد السقا وطليقته مها الصغير: «في إيه يا دنيا دول 26 سنة وشباب وبنوتة الله يربط على قلبك يا قلب أختك مقلناش حاجه حقها ترتبط بعد الطلاق بس حرقة قلبه دلوقتي مش عليها على ولاده وصدمتهم في أمهم رغم أنها معملتش حاجة غلط بس فيه اعتبارات».

واختتمت: «وكلمتي ليك يا أحمد ادعي وأنت على جبل عرفات أن يؤجرك الله في مصيبتك ويخلفك خيرًا منها واللي بيمشي هو الخسران أو الكسبان حاجة ترجعله ترجع بالسلامة يا فارس الفرسان وأزمة وتعدي وياما دقت على الراس طبول يا حبيبي وأنت قدها وقدود ركز في حجك وترجع ربنا هيراضيك وكل سنة وأنت فارس وجدع وسيد الناس».