ميار الببلاوي: هشيل الضوافر والرموش علشان أبقى واجهة للحجاب

قالت الفنانة ميار الببلاوي، إنها لا تعرف الخبث أو الإساءة لأي أحد من زملائها التي تُحبهم وتقدرهم، وتعتز بأي عمل شاركتهم فيه طوال السنوات الماضية.

عفوية ولا أتخابث

وقالت ميار الببلاوي، عبر صفحتها الرسمية للتواصل الاجتماعي (فيسبوك): «أنا مش هدافع عن نفسي، ومش هقول إني صح؛ بس ربنا شاهد إني بتكلم بعفوية ومبعرفش أتخابث ولا قصدي أي إساءة لأي حد من زملائي إلي بحبهم وبقدرهم وبعتز بأي عمل شاركتهم فيه طوال السنين اللي فاتت».

وأضافت الفنانة ميار الببلاوي: «وأنا لا عاوزة أجيب سيرة الفيلم ولا المشهد؛ ولا يشرفني ونفسي أنسى والناس تنسى؛ بس معرفش ليه بعد 25 سنة بينبشوا في الماضي؛ فيه فنانات عاملين مئات الأفلام وفيها مشاهد نسأل الله المغفرة؛ اشمعنى ميار اللي لازم تترجم وتتبهدل؛ وكل اللي عاوز يعمل شو يبقى عليّا؛ أنا برفض كل يوم مقابلات في برامج؛ لكن مروة صبري أخت زميلتي عبير؛ وبحبهم هما الاثنين».

التريند

واستطردت ميار الببلاوي: «غير كدة أنا حرمت أي مقابلة غير لما أعرف طبيعة الأسئلة؛ وهركز في كل كلمة، ومش هذكر أسماء ولا مواقف؛ بس الصحفيين واليوتيوبرز يرحموني من العناوين اللي ملهاش علاقة بالكلام اللي جوة الفيديو؛ وبالنسبة للتريند اللي أنا عاوزة أركبة؛ حد الله إني أركب التريند بشتيمة الناس ليا؛ وعلشان أئكدلكم أنا محولة موبايلي ومبردش على أي صحفي؛ أنا نفسيتي تعبت وجالي اكتئاب وابني مضايق جدًا وأختي».

وأردفت الفنانة ميار الببلاوي: «كدة كفاية؛ وبالنسبة لأني بعمل كدة علشان أنا اتنسيت وعندي حب للظهور؛ قولوا اللي يعجبكم؛ أنا ناجحة في برنامجي ولله الحمد، وراضية بيه؛ ولو جالي شغل فده رزق أشكر عليه ربنا؛ مجاليش مش هلجأ للطرق الرخيصة دي علشان أشتغل؛ وبالنسبة للميكب والرموش والضوافر حاضر هشلهم علشان أبقى كدة واجهة للحجاب؛ ده كل اللي عندي، وأفوض أمري إلى الله؛ إن الله بصير بالعباد».

قرار الحجاب

وخلال تصريحات تلفزيونية، قالت ميار الببلاوي، عن الفنانة نشوى مصطفى: «كانت صاحبة عمري وكنا بادئين مع بعض، واشتغلت معاها كتير وكنت بعتبرها صاحبة عمري، لدرجة أنها كانت ورا قرار اتخاذي الحجاب، خلتني أتحجب وهي كملت في الوسط الفني».

وأضافت: «خطيبي اللي هو وائل أبو ابني حاليًا كان عايزني أسيب الوسط الفني وكل شوية يعملي مشاكل وحتى أنا كمان كنت بفكر أتحجب.. فكلمتها حكتلها ونصحتني وقتها بمنتهى الشفافية والأمانة إني أتجوز وأعمل بيت وقالتلي وإيه يعني احنا ناس لو اختفينا مش هيتحس بينا».

وتابعت: «والموضوع أصلا مش بيستمر وكام سنة والجمهور مش هيعرفنا ولا هيتعامل معانا، اللي باقي البيت والعيال، حتى أنا روحت قعدت أفكر في كلامها وخدت قرار الجواز والحجاب، فأنا طول عمري بقدرها أنها نصحتني بحاجة زي كدة».

ميار الببلاوي: «أبعدوا عني وعن رزقي.. أنا معتزلتش الفن وبمثل جنب حجابى»

ميار الببلاوي توجه رسالة مؤثرة إلى والدتها: تعبانة بعدك