ميران عبد الوارث: دخلت التمثيل بالصدفة.. وكان نفسي أبقى طيار

كشفت الفنانة ميران عبد الوارث أنها دخلت التمثيل بالصدفة، وأنها كانت تتمنى دخول مجال الطيران، ولكن والدها الفنان أحمد عبد الوارث رفض ذلك؛ لأن عمل البنات في الطيران غير مضمون من وجهة نظره، وطالبها بدخول الجامعة الألمانية، وتحصل على الشهادة وبعدها تفعل ما يحلو لها.

وأوضحت ميران عبد الوارث في لقاء خاص مع الإعلامية دينا رامز، وشريف نور الدين، وآية شعيب، في برنامج أنا وهو وهي المذاع عبر قناة صدى البلد، أنها دخلت مجال التمثيل قدريًا ولم تكن تفكر في دخول الوسط الفني مطلقًا، قائلة: «أنا دخلت التمثيل شئ قدري، وعمري ما كنت بفكر فيه خالص، أنا ةكنت عايزة ادخل طيران أصلاً، كنت عايزة أبقى (طيارة) ده كان حلم حياتي، وبابا مكنش موافق اني اعمل كده بعد المدرسة على طول، فقالي ادخلي الجامعة الألمانية وخدي شهادة عشان احتمال ماتعرفيش تشتغلي في الطيران».

وأضافت ميران عبد الوارث، قائلة: «بعدها دخلت الجامعة، واشتغلت موديل وأنا صغيرة كان عندي 19 سنة وقتها، وبعدين حد قابلني في الجامعة وقالي احنا بنعمل اختبار تمثيل لوجوه جديدة وحابين أنك تكوني حد منهم، فدخلت واكتشفت شغف كان مرعب، كان في مسرح الجامعة وبنشتغل على حاجة مثلاً لمدة 3 شهور وبنعرضها أخر السنة، الأنشطة الطبيعية».

وأشارت ميران عبد الوارث، قائلة: «أنا عمري ما كنت هصحى أروح ورشة تمثيل، وعمر ما حسيت إني عايزة اتفرج على مسلسلات أو أبقى متابعة الأعمال الفنية والممثلين، أنا كنت بتفرج على بابا وهو بيعمل كده، لكن أنا عمري ما حسيت إني عايزة أمثل، بالعكس أنا مبحبش المهنة ومبحبش أي علاقة بها».