ميرنا نور الدين ترد على شائعات ارتباطها بأحمد العوضي 

علقت الفنانة ميرنا نور الدين على الأخبار التي انتشرت مؤخرًا حول ارتباطها بالفنان أحمد العوضي بعد تعاونهما في مسلسل "فهد البطل".

أكدت ميرنا نور الدين أن هذه الأخبار ليست صحيحة، وقالت: "لا مفيش حاجة حقيقية، أكيد أي حاجة بتبقى زيادة عن اللزوم بيبقى فيها انزعاج بس خلاص أنا مبردش كده كده".

وعن تجربتها في التعاون مع أحمد العوضي في مسلسل "فهد البطل"، قالت ميرنا: "مش أول مرة نشتغل مع بعض، بس دي أول مرة يبقى مساحة كبيرة مع بعض، هو من أكتر الناس مش بيركز مع نفسه بيركز معانا، عايز أن إحنا كلنا ننجح مش هو بس. وبالتالي طول الوقت بنتناقش عن المشاهد مع بعض".

كما أضافت: "لو في لازمة معينة، إحنا أصحاب أنا وهو وكارولين عزمي وعصام السقا، وكان ممكن يتريق لو قلت جملة بطريقة معينة يقولي دي مش من 'شق التعبان' إعدلي لسانك زي كلمة 'بالله'، أول أيام التصوير كنت بقولها عادي بطريقة ميرنا مش 'كناريا' هو كان بيساعدني جدًا والكيميا بينا حلوة".

جدير بالذكر أن مسلسل "فهد البطل" من بطولة أحمد العوضي ومجموعة من النجوم مثل أحمد عبدالعزيز، محمود البزاوي، لوسي، كارولين عزمي، يارا السكري، عصام السقا، وصفاء الطوخي، وحجاج عبد العظيم، وهو من إخراج محمد عبدالسلام وتأليف محمود حمدان.