ميرنا نور الدين عن ضرب أحمد العوضي لها في فهد البطل: قالي لازم تحسي بالمشهد

كشفت الفنانة ميرنا نور الدين عن كواليس تصوير مسلسل "فهد البطل"، وخاصة المشاهد التي شهدت تعرضها للضرب من الفنان أحمد العوضي، مؤكدة أن الضرب كان حقيقيًا ولكن بأسلوب احترافي.

قالت ميرنا نور الدين في تصريحات تلفزيونية: "في ناس بتفتكر إن أحمد العوضي مبيضربش بجد، لكن هو فعلا بيضرب، بس عنده تكنيك وعارف بيعمل إيه".

وتابعت: "أنا شخصيًا اتعورت غصب عنه لأنه كان لابس خاتم وعورني في وشي، وإيده عفية جدًا، لما بيمسكني من إيدي بتوجعني أكتر ما بيديني بالقلم".

وأضافت: "لما ضربني بالقلم قالي لازم أضربك عشان تحسي بالمشهد، وبعد ما خلصنا قلت له حسيت خلاص".

وتحدثت ميرنا عن تعاونها مع العوضي قائلة: "مش أول مرة نشتغل مع بعض، بس دي أول مرة تكون مساحة المشاهد بينا كبيرة. هو بيركز مع كل اللي حواليه مش مع نفسه بس، وبيساعدنا عشان كلنا ننجح، وده خلّى الكيميا بينا تكون حلوة جدًا".

يذكر أن مسلسل "فهد البطل" يشارك في بطولته أحمد العوضي، أحمد عبدالعزيز، محمود البزاوي، لوسي، كارولين عزمي، يارا السكري، عصام السقا، وصفاء الطوخي، والعمل من تأليف محمود حمدان وإخراج محمد عبدالسلام.