ميرهان حسين عن تأخرها في الزواج: لسه ملقتش الراجل

كشفت الفنانة ميرهان حسين، عن سبب تأخرها في الزواج حتى الآن وحقيقة رفضها للزواج نهائي.

وقالت ميرهان حسين، عبر خاصية القصص القصيرة بموقع التواصل الإجتماعي إنستجرام: عشان أنا بحب الروقان ومبحبش النكد ومبحبش الزعل وبحترم مساحتي الشخصية وبحترم شخصيتي اللي بنيتها وهذبتها لحد ما بقت الشخصية اللي أنا عليها دلوقتي ولسه ملقيتقش الراجل اللي ميخذلنيش في حاجة من دول.

ميريهان حسين والزواج

وكانت ميريهان حسين، أعلنت خلال الفترة الماضية عودتها للتمثيل مرة أخرى والتراجع عن قرار اعتزال التمثيل الذي اتخذته لتعرضها للظلم وعدم تقدير موهبتها الفنية والغنائية، مؤكدة أنها تواجه حياة ظالمة.

وكتبت ميرهان حسين عبر حسابها الشخصي على موقع التواصل الاجتماعي إنستجرام: أجازة مفتوحة من السوشيال الميديا والمكالمات والالتزامات والمجاملات والتواجد من اجل الاخرين.. مش هكون موجوده لا عايزه حاجة من حد ولا حد يعوز مني حاجه واللي زمان انا عشته لغيري .. انا دلوقتي هاعيشه لنفسي.

وتابعت ميريهان: «لا عايزة تقدير لا في شغل ولا في حياة ولا صحاب ولا حبايب ولا معارف ولا حاجة تستاهل ولا حد يستاهل .. اللي بيحبوني شكرا وكتر خيركم واللي مبيحبونيش شيلوني من حساباتكم لحد ما اقدر اواجه الحياة الظـllـمة دي تاني».

سبب اعتزال ميريهان حسين

وأضافت : «تعبت واشعر بعدم التقدير الشخصي ولموهبتي ولم أعتد البقاء في مكان ومع اشخاص لا تقدرني .. (لذلك انا أعتزل).. بعد ما قدمت العديد من الأدوار التي لا تشبهني ولا تشبه موهبتي ولا تستغل أدواتي كفنانة ممثله محترفه وحصلت على العديد من الورش التمثيلية ده غير اني املك صوت حلو وقادر على الغناء الذي اعشقه لكني تعبت ولم أعد أسعد بجمله انتي مظلـومة.. لن اعرض موهبتي على من لا يراها او يقدرها ولا يحتاجها .. وسط مصـالـح وشـللية وموضه .. ومين اتجوز مين ومين مصاحب مين ... مش مين شاطر ومين موهوب».