ميرهان حسين من أمام الكعبة: «إزاي فيه ناس بتلحد وتنكر وجود الله »

شاركت الفنانة ميرهان حسين، جمهورها بصورة لها في أثناء أداء مناسك العمرة، أمام الكعبة .

وعلقت ميرهان حسين على صورتها التي نشرتها على حسابها الشخصي بموقع تبادل الصور والفيديوهات «انستجرام»: «مع أن الصورة دي من أحب صوري لقلبي.. اترددت أنزلها.. أولًا خفت إن دا يأثر على ثواب حاجة بيني وبين رب العالمين».

وأضافت، «ثانيًا عارفة إن في ناس سطحية كتير هايكتبوا كومنتات كلها إيه يا طاهرة إيه يا ست الشيخة، ويعملوا فيها إنهم مابيغلطوش أبدا، وجايين يحكموا على ناس زيهم أحكام هبلة وخلاص، وهمّا مايعرفوش اللي بينك وبين ربنا ولا عمرهم هايعرفوه.. بس قولت لأ مش هامشي ورا الفكر دا وهانزّل صورتي اللي بحبها عشان فيها ذكرى وجودي في أطهر بقاع الأرض».

ميرهان حسين تتحدث عن بيت الله الحرام

وتابعت، «أنا ضيفة في بيت الله الحرام، وبحتفل فيها بنعمة من أكبر النعم هي نعمة إن ليا رب عظيم اسمه الكريم اللي ممكن أطلب منه أي شيء ومفيش حاجة كبيرة عليه، إنما أمره إذا أراد شيئا أن يقول له كن فيكون».

واستطردت ميرهان حسين: «نعمة وجود ربنا في حياتنا أكبر من كل النعم، أنا حقيقي معرفش إزاي في ناس بتلحد وتنكر وجود ربنا والعياذ بالله، وفيه منهم أصحاب ليا وناس بقابلهم، ومع حبي ليهم بس بقولهم فايتكوا أعظم حاجة في الوجود إن يبقى ليك رب قادر على تحقيق كل اللي يتمناه قلبك، ويسرح فيه خيالك رب أكبر من كل كبير هو الأمان في الدنيا دي وكل من عليها فان».

يذكر أن آخر أعمال ميرهان حسين، كان مسلسل «نقل عام» والذي عرض مؤخرًا، وشاركت في بطولته مع الفنان محمود حميدة وسوسن بدر، وكان من إخراج عادل أديب.

ميرهان حسين تطلب الدعاء لـ وائل الإبراشي بصورة من أمام قبره

ميرهان حسين تحتفل بعيد ميلاد سوسن بدر : «بحبك ياسوسو»