ميسرة تكشف كواليس مشهدها مع الزعيم عادل إمام بفيلم السفارة في العمارة

كشفت الممثلة ميسرة عن كواليس تصوير مشهدها أمام الزعيم عادل إمام في فيلم 'السفارة في العمارة'، وتحدثت عن تفاصيل تصوير مشهد إطلاق الصاروخ على شقته أثناء نومهما.

ميسرة والزعيم عادل إمام

أكدت ميسرة في تصريحات تلفزيونية أنها خجولة معلقة على مشهد الصاروخ في فيلم السفارة في العمارة، وقالت: 'متحضنتش من عادل إمام، ولم يكن معي نهائي أثناء تصوير المشهد'.

ميسرة

واستكملت ميسرة حديثها، وقالت: السينما يتم تصويها بكاميرا واحدة، فتم تصوير رد فعلي وقولى: 'صاروخ' بمفردي، ثم تم تصوير رد فعل الأستاذ عادل إمام بمفرده وهو يقول: 'متبالغيش قوي كده'.

تصريحات ميسرة

تحدثت الفنانة ميسرة عن قصة حب لها مع شاب لبناني ظلت 6 أشهر ولم تكتمل لعدة أسباب.

قالت ميسرة في تصريحات تلفزيونية: 'واتدهولت مرة في قصة حب وكنت بحب واحد لبناني بس فوقت مكملتش يعني بعد 6 شهور سيبته، لأني لقيته مش هو ده الراجل اللي هيبقى أب كويس لولادي وده أهم حاجة عندي، لأني شوفتله مواقف كتير مش حلوة ووقفت في وشه فيها رفضتها كأخلاقيات وتصرفات رفضتها وقولت وقتها إزاي ده حتى لو بحبه واتجوزت وخلفت اسمح أن الحاجات دي تحصل وولادي ممكن يشوفوها، وشوفته ظلم ناس، شوفته تجرأ على حد أضعف منه، والراجل كان مدلعني مقدرش أنكر'.

ميسرة

ميسرة تتحدث عن الزواج

تحدثت الممثلة ميسرة عن سرر عدم زواجها كما كشفت سر طلبها الزواج من الصحفي الفلسطيني وائل دحدوح.

وقالت ميسرة في تصريحات تلفزيونية: 'متجوزتش ولا مرة .. مش شايفاني مبسوطة إزاي مقبلة على الحياة، وطبعًا فيه رجالة كتير كويسة بس انتي مابتحكميش أن الراجل ده كويس ولا وحش وانتي بتحكمي عليه أن الراجل ده شخصيته هتناسبك ولا لأ، ومكنش فيه ولا واحد مناسب وشغل الميديا والإعلام بياخد من الوقت كتير جدًا ووقت ما كنت بشتغل كتير ماكنش فيه حياة اجتماعية اللي تأهلك تشوفي أكتر من حد وأكيد مش هتجوز واحد شافني في السينما وأعجب بيا'.

ميسرة والصحفي الفلسطيني وائل الدحدوح

وكشفت ميسرة سر طلب زواجها من الصحفي الفلسطيني وائل الدحدوح، وقالت: 'عشان وائل دحدوح هو رمز للرجل الغزاوي أو الرجل الفلسطيني عمومًا في كل قطاع غزة وفلسطين أن هو مؤمن بقضيته حتى لو كان تمنها عياله، مؤمن بقضيته حتى لو كان تمنها مراته أو بنته، ووائل دحدوح كان بالنسبة لي الرمز وهم رمز فخر لينا كلنا على إيمانهم بقضيتهم وإيمانهم بربنا وبيستودعوا نفسهم وأولادهم ومفيش حاجة أغلى من الإنسان إلا ابنه، وبعدين كلنا نفسنا يفتحوا لنا باب الجهاد وكلنا هنروح'.

ميسرة

وتابعت: 'ومش هقدر أشيل سلاح لكن هقدر أقف معاهم وأكون مع الدكاترة ومفيش أنبل من كده، واحنا ماتحطيناش في ظروف مشابهة عشان يبقى فيه راجل بالمواصفات دي، والإنسان بيبان في الشدائد وهو بان معدنه لأن مفيش أشد من اللي هم فيه حرب وتجويع وتعطيش والعالم كله تخلى عنهم وماشوفتش راجل وقف معايا حتى ربع الموقف ده ومحستش براجل ان هو يبقى سندي واتعرضت لمواقف وتخلوا عني في أزمات كتير مالية ومشاكل عندي وكانوا عايزين بس يخرجوا ويضحكوا وأنا مش هديك وقتي عشان بس تستمتع'.