روت الفنانة ميس حمدان، تفاصيل خلافها مع المخرج خالد يوسف بعد رفضها  تقديم مشاهد قبلات في فيلم ويجا، كما تحدثت أيضا عن زواج شقيقتها مي سليم ووليد فواز الذي لم يستمر سوى أيام قليلة.

خلاف ميس حمدان وخالد يوسف

ميس حمدان، قالت في تصريحات تليفزيونية: خالد يوسف ممكن زمان كان في موقف حصل هو حمقي شوية في ردود أفعاله، هو كان عايزني في الدور بتاع دوللي شاهين في فيلم ويجا، وروحت المكتب بتاعه وكان في هاني سلامة، وكان بيقنعني بالدور وأنا ساعتها كان عندي تمسك فظيع إني مش هقدر أمثل مشاهد القبلات والمشاهد الساخنة في الفيلم، وكان بيقولي إنتي كده مش فنانة وبطلوا الطريقة دي، وأنتوا اللي بوظتوا الفن وزمان الفنانين مكانوا بيفكروا بالطريقة دي وكانوا محترمين برضوا، وهو ليه وجهة نظر وتُحترم، وأنا حسيت إني بتحط في زاوية قولتله طيب إديني فرصة أروح البيت أسأل ماما وأنا مكنش عندي الجرأة أعمل المشاهد دي، واعتذرت وقولتله أنا مش هقدر أعمل الدور ده، وزعل وهزقني وقالي بما معناه اللي زيي اللي بوظ الشغلانة.

ميس حمدان واصلت حديثها في تصريحاتها التليفزيونية: الصحافة عرفت والخبر انتشر وأنا كمان قولت إني كنت هعمل الفيلم، وخالد يوسف كلمني وإداني على دماغي وقالي بما معناه إنتي عايزة تربطي اسمك بيا وتشهري نفسك، ومتجبيش اسمي تاني على لسانك ومتتكلميش عليا خالص، وخدت الكلام وسكت.

رأي ميس حمدان في هاني سلامة

ميس حمدان، تابعت في تصريحاتها: هاني سلامة حاول يقنعني مش فيلمه وهو اللي بيعمل المشاهد دي؟ وهاني من الفنانيين اللطاف جدًا وبجد نسمة.

موقف ميس حمدان من زواج شقيقتها مي سليم ووليد فواز

وحول زواج شقيقتها الفنانة مي سليم من الفنان وليد فواز، فأوضحت ميس حمدان: أنا بنسى أن مي أختي اتجوزت وليد فواز، ولما حد بيسأل مي اتجوزت كام مرة قالت مرتين قولتلها هي مرة، قالتلي لأ مرتين إنتي نسيتي؟ وأنا فعلًا نسيت.

وأضافت ميس حمدان: الفترة اللي اتجوزت فيها مي وليد فواز فعلًا مسحت، ووقتها متبسطش لما حصل ارتباط وكان عندي قلق وحسيته مش شبهنا، ولكن هي كانت حباه وهي حياتها بسيطة جدًا وعبارة عن بيتها وشغلها وبنتها بس.

الأشقاء الثلاثة مي سليم ودانا وميس حمدان يتحدثون عن الزواج: النصيب لم يأتي

ميس حمدان: طلعنا كلنا عصاميين وأنا وإخواتي رجالة نفسنا

في عيد ميلادها.. 10 معلومات عن البنت الشقية ميس حمدان