ميمي جمال: بدأت الفن وعمري 9 سنوات ومش هبوظ جوازي عشان مسرحية

تحدثت الفنانة ميمي جمال عن بداياتها، وأسرار لأول مرة، في ندوة تكريمها ضمن فعاليات المهرجان القومي للمسرح المصري 2025.

قالت ميمي جمال: «زمان في بدايتي كنت بقبل بأي دور عشان عايزة الناس تشوفني تعرف مين ميمي جمال».

بدايات ميمي جمال

وتابعت: «ولما شوفت المسرح الحر قولت أقدم عشان عايزة أبقى ممثلة كبيرة وأول بداية ليا كانت وأنا طفلة وعندي 9 سنين».

واستكملت ميمي جمال: «فيه فنانة كبيرة راحت قالت لجوزي الفنان الراحل حسن مصطفى، مالك يا حج سايب مراتك تلبس براحتها في مسرحية سمير غانم، بعدها حسن سألني بتلبسي إيه في المسرحية قولتله سوارية».

تصريحات ميمي جمال

وأضافت: «قالي أنا اتقالي الكلام ده من فلانة ووقتها طلب مني أغطي لبسي شوية وألبس شال على الفستان وبالفعل وافقت منا مش هبوظ جوازي عشان مسرحية».

واختتمت ميمي جمال: «أول علاقتي بحسن مصطفى كنا أصحاب جدًا لأنه كان بيهتم يسمعني وهو مش شخص رومانسي وبعد كده السيد بدير حس إن فيه حاجة بيننا فسأل حسن وقاله ياريت هي توافق ولما سألني سألت والدتي وهي رفضت لأنه أكبر مني وكان متجوز وعنده أولاد بس أقنعتها إني برتاح للشخص ده وبالفعل اتجوزنا 1966 لحد أخر يوم في عمره في 2015».