ميمي جمال تهدي تكريمها بالمهرجان القومي للمسرح لزوجها الراحل

أهدت الفنانة ميمي جمال في ندوة تكريمها بالمهرجان القومي للمسرح المصري 2025، تكريمها لزوجها الفنان الراحل حسن مصطفى.

قالت ميمي جمال في الندوة: «أهدي تكريمي لجوزي حبيبي حسن مصطفى لأنه كان سندي وضهري».

ميمي جمال تهدي تكريمها لزوجها حسن مصطفى

وتابعت حديثها عن زوجها الفنان الراحل حسن مصطفى: «وحبيب عمري اللي متجوزتش غيره طول عمري وهو يستاهل التكريم ده لأنه متكرمش وهو عايش».

وتحدثت الفنانة ميمي جمال عن بداياتها، وأسرار لأول مرة، في ندوة تكريمها ضمن فعاليات المهرجان القومي للمسرح المصري 2025.

تصريحات ميمي جمال

قالت ميمي جمال: «زمان في بدايتي كنت بقبل بأي دور عشان عايزة الناس تشوفني تعرف مين ميمي جمال».

وتابعت: «ولما شوفت المسرح الحر قولت أقدم عشان عايزة أبقى ممثلة كبيرة وأول بداية ليا كانت وأنا طفلة وعندي 9 سنين».

واستكملت ميمي جمال: «فيه فنانة كبيرة راحت قالت لجوزي الفنان الراحل حسن مصطفى، مالك يا حج سايب مراتك تلبس براحتها في مسرحية سمير غانم، بعدها حسن سألني بتلبسي إيه في المسرحية قولتله سوارية».

وأضافت: «قالي أنا اتقالي الكلام ده من فلانة ووقتها طلب مني أغطي لبسي شوية وألبس شال على الفستان وبالفعل وافقت منا مش هبوظ جوازي عشان مسرحية».

واختتمت ميمي جمال: «أول علاقتي بحسن مصطفى كنا أصحاب جدًا لأنه كان بيهتم يسمعني وهو مش شخص رومانسي وبعد كده السيد بدير حس إن فيه حاجة بيننا فسأل حسن وقاله ياريت هي توافق ولما سألني سألت والدتي وهي رفضت لأنه أكبر مني وكان متجوز وعنده أولاد بس أقنعتها إني برتاح للشخص ده وبالفعل اتجوزنا 1966 لحد أخر يوم في عمره في 2015».