ميمي جمال: مرض سهير البابلي جعلني احل مكانها في مسرحية مدرسة المشاغبين

كشفت الفنانة القديرة ميمي جمال مفاجأة تخص مسرحية مدرسة المشاغبين، وهو أنها قدمت دور الفنانة سهير البابلي لمدة 15 يومًا، بسبب ظروف صحية طارئة تعرضت لها الثانية.

ميمي جمال تتحدث عن مسرحية مدرسة المشاغبين

قالت ميمي جمال في تصريحات تلفزيونية، أن سهير البابلي مرضت أثناء عرض مسرحية مدرسة المشاغبين، والأطباء طلبوا منها إجراء عملية في باريس بشكل سريع.

واستكملت ميمي جمال حديثها، وقالت: 'سهير تعبت وكانت عينيها بتورم وتدمع وقالوا لازم تسافر فرنسا عشان تعمل العملية فقالوا نقفل لحد ما هي تروح وترجع بس سمير خفاجة قالهم لا.. حد يعمل دورها واختارني'.

تصريحات ميمي جمال

وتابعت ميمي جمال، حديثها وقالت: 'حسن مصطفى قالي اوعي تعملي الدور، قلت له ليه، قالي عارفه الكوميديانات الموجودين قدامك كلهم دول لو ضيعتي ايفيه لواحد فيهم هتبقي مشكلة'.

واختتمت ميمي جمال حديثها، وقالت: 'قالي لو عملتي حاجة غلط هيقولوا شوفت مراتك!! فاحتراما لنفسي وليكي بلاش.. بس برضو عملت بروفات واشتغلت الدور ومغطلتش وعدوا بسلام.. وسهير جات في آخر يوم قعدت في الصالة اتفرجت عليا واتبسطت جدا'.