مينا مسعود : عايز أعمل عكس اللي عمله عمر الشريف

تحدث النجم العالمي مينا مسعود عن الفنانة المصرية التي يتمنى التمثيل أمامها، موضحًا أنه يتمنى التمثيل مع الفنانة يسرا، معربًا عن سعادته بالمشاركة في فيلم عز الظهر.

قال مينا مسعود في تصريحات تلفزيونية له: «نفسي أمثل مع فنانات مصريات كتير، وكان ليا الشرف أني مثلت مع شيرين رضا وإيمان العاصي وجميلة عوض في فيلم في عز الظهر، وأتمنى أمثل مع يسرا».

تصريحات مينا مسعود

وقال عن فيلم في عز الظهر: «مستني الفيلم ينزل وبعدها أقرر هشوف هعمل أي تاني هنا في مصر.. ولو همثل في مصر لازم السيناريو يكون مناسب بالنسبالي ونشوف إن شاء الله».

وتابع الفنان مينا مسعود: «أنا حبيت تجربة فيلم في عز الظهر وحبيت الفنانين هنا في مصر والفن في مصر وان شاء الله أكمل».

مينا مسعود

مينا مسعود وعمر الشريف

أوضح أيضًا أنه بدء التمثيل في أمريكا ثم مصر، ويسعى للتواجد بين البلدين، معلقًا: «أنا دايمًا بقول عايز أعمل اللي عمر الشريف عمله بس بالعكس، يعني هو بدأ في مصر ثم راح أمريكا، أتا عايز أعمل العكس أنا بدأت في أمريكا وعايز أنزل مصر وأمثل في مصر وأمثل هناك برضو».

وأضاف العالمي مينا مسعود: «إن شاء الله أكمل في المشوار ده»، كما وجه كلمة للمرأة المصرية، قائلًا: «المرأة مهمة في العالم كله خاصة في مصر وفن السينما».

واختتم: «إحنا لازم نكون جنب وفي ظهر المرأة في السينما في مصر، وأنا أحب أني أشوف المرأة خلف الكاميرا أكثر من كدا، سواء مخرجة أو منتجة أو مؤلفة، يعني تبقى موجودة في جميع الأدوار».

مينا مسعود