مي سليم عن 2022: وشي ورم ووقعت في علاقة «توكسيك» واحدة

تحدثت الفنانة مي سليم عما حدث لها في 2022 وأزمة صحية تعرضت لها، بجانب سر اسمها وعلاقتها بشقيقاتها ميس ودانا حمدان.

تصريحات مي سليم

قالت الفنانة مي سليم في تصريحات تلفزيونية لها: «كنت بتسأل دايمًا في البدايات إزاي ميس حمدان أختك، أنتوا مش أشقاء؟ فكنت بقولهم اسم مي سليم ده فني».

تابعت مي سليم: «أول ما اشتغلت قالوا لي مي حمدان ده اسم تقيل شوية، فنخليه خفيف على الناس، فأطلقوا عليّ اسم مي سليم، واسم حمدان سهل، وبيتقال عليّ في البيت حمدان وعلى الشاشة سليم، وأنا أصغر أخواتي، الأكبر دانا ثم ميس وأنا أصغرهم».

استكملت مي سليم قائلة: «وقعت في علاقة توكسيك مرة واحدة، وبحب الأكل مينفعش أحرم نفسي طول السنة بحب الأكل جدًا، و2022 مكنش أحلى السنوات بالنسبة لي».

مي سليم

مي سليم في 2022

قالت مي سليم عن 2022: «مر عليا مواقف كتيرة صعبة أهمها أصيبت بحساسية في وشي وكان وارم وتم تشخيصي بشكل خاطيء وأخدت حقن كرتويزون كتيرة لمدة شهرين وبدأت التعافي بس تعبت أوي وأخدت أدوية كتيرة، وتعلمت من عام 2022 الصبر ومواجهة الصعاب، لأن المواقف الشديدة بنتعلم منها الأدب والصبر».

بينما كشفت شقيقتها دانا حمدان عن أهم ما خسرته في 2020، قائلة: «مخسرتش حاجات كتير كانت سنة حلوة، ومكنش فيها أي خساير لكن لو اعتبرت دي خسارة أني محققتش كل حاجة في 2022».

مي سليم

زيجات مي سليم

أضافت مي سليم في كلامها: «التجربتين السابقتين مش مأثرين عليا، ومش قافلة الباب بالعكس عاوزة أتجوز وأخلف تاني، وليلى دلوقتي عندها عندها 11 سنة».

اختتمت قائلة: «ونفسي يبقى عندي ولد، لكن لازم أكون متأكدة إن العلاقة الجاية ميبقاش فيها نسبة 1% أنها مش هتكمل، وأنا بموت في الألوان ومبحبش اللون الأسود».

مي سليم ليست شقيقة ليلى علوي مفأجاة أحداث الحلقة الـ 5 من مسلسل «دنيا تانية»

مي سليم عروسة مصطفي قمر الجديدة في الحلقة 14 من مسلسل «فارس بلا جواز»