مي سليم : عملت محضر في طليقي ورفضت الزواج من مهاجم الأهلي

ياسمين حمادة 25 مارس 2023 | 08:28 مساءً

كشفت الفنانة مي سليم العديد من الأسرار حول حياتها الشخصية، حول زيجاتها السابقة، بجانب رأيها في الزواج والارتباط وسر رفضها مهاجم النادي الأهلي.

تصريحات مي سليم

قالت مي سليم في تصريحات تلفزيونية لها: «كان فيه لاعب كرة في الأهلي عايز يتجوزني وأصغر مني بـ 10 سنين، مضيفة: «دي معلومة محدش يعرفها خالص، إلا بقى لو أختي ميس بتسرب معلومات، وأنا مرتبطة بحد من الوسط الفني وبيقولوا له يا دكتور، وممكن تبقى الجوازة التالتة».

وتابعت مي سليم حديثها عن طليقها قائلة: «أنا لفترة معينة كان فيه مشاكل كبيرة مع طليقي والمشاكل اتحلت وكل حاجة رجعت كوبسة، كان فيه فترة فيه بينا مشاكل ودلوقتي على وفاق بس مش ممكن نرجع لبعض، إحنا دلوقتي أصدقاء مش أخوات».

مي سليم

مي سليم وطليقها الأول

واستكملت قائلة: «مفيش واحدة بتاخد خطوة الخلع إلا ما كان فاض بيها، مرضيش يطلقني، وكان بيحبني، وعايز يرضيني وكانت الظروف أقوى من الحب دا يكمل».

وقالت مي سليم أيضًا: «حصلت غيرة في فترة وكان عايز يرجع، وعملتله محضر عدم تعرض، فضلنا في مشاكل طويلة قعدت سنين، ووقتها كان السلام أننا نبعد عن بعض، ومكانش فيه لغة حوار بيني وبينه».

أسرار مي سليم

وتابعت: «أنا مش شخصية مستفزة ومش بحب المشاكل، وممكن الهدوء دا هو اللي كان منرفزه، وهو دلوقتي أتغير خالص وعقل، ومش متجوز، وأتمنى يقابل بنت الناس اللي تريحه، وممكن أجيبله عروسة».

وفيما يخص خلافها مع طليقها الثاني الفنان وليد فواز، علقت قائلة: «البيوت أسرار، البني آدمة دي كانت على ذمة راجل ومفيش راجل يطلع يكشف أسرار بيته، والناس اتخضت وقالت إزاي يعمل كدا، الصغير والكبير قال عيب، وأنا أصريت على الانفصال، وهو كان مرحب بالانفصال بس هو اتخض من سرعة القرار».

وقالت مي سليم في تصريحاتها التلفزيونية أيضًا: «عرفنا بعض 3 شهور.. كلها كانت تجربة سيئة، وكلامه ضايقني واتضايقت عشان خاطر بنتي، وكل حاجة ربنا بيعملها خير، والمشكلة بينا حصلت من أول يوم.. مفيش حاجة ممكن تنتهي في 10 أيام إلا لما يكون السبب قاسي، وأنا مستعدة للجوازة الثالثة، وزهقت من الوحدة، وأول مرة مكنتش عايزة انفصل عشان هو كان حنين عليا».

مي سليم