مي سليم: لديا 50 تليفون ولا أحب المذاكرة منذ الطفولة

قالت الفنانة مى سليم، إنها لا تحب المذاكرة منذ طفولتها، وعقبت شقيتها دانا بأن مى مدمنة تليفونات من صغرها لدرجة إنها بتشترى تليفونات وتشيلها ومعظم أصحابها من الصبيان.

وأضافت مي سليم في تصريحات تليفزيونية: لديا حوالى 50 تليفون من أول ما بدأت شراء التليفونات، وأصحابى دائما فى المدرسة الصبيان أكتر من البنات وكنت بحاول أعمل فيها البنت المسترجلة.

تحدثت الأشقاء الثلاثة الفنانة مي سليم والفنانة دانا حمدان والفنانة ميس حمدان، عن الزواج  وموقفهم منه، حيث كشفت مي سليم أنها تزوجت مرتين، بينما أوضحت ميس حمدان أن النصيب لم يأتي بعد، فيما قالت دانا حمدان إنه لم يأتي الرجل الذي يجعلها تحبه وتتزوجه.

مي سليم: لو فكرت أرتبط هيبقى لليلي دور فى قرارى

الفنانة مى سليم قالت في تصريحات تليفزيونية: أنا شخصية بيتوتية جدا وأول زيجة كانت لمدة سنتين تقريبا وثانى زيجة استمرت 10 أيام فقط، وإحنا أخدنا قرار متسرع جدا، وعندى بنتى ليلى عندها 11 سنة وهى كل حياتى، وأكيد لو فكرت أرتبط هيبقى لليلي دور فى قرارى.

مي سليم أضافت: أنا مكنتش شاطرة في المدرسة، ولا بحب المذاكرة خالص ولو رجع بيا الزمن دلوقتي برضوا مش هحب المذاكرة، وكل أصحابي أيام المدرسة كانوا شباب أكتر من البنات، وكانوا قريبين مني أكتر من البنات وكنت بثق فيهم أكتر من البنات، والولاد اللي كنت بكلمها أيام المدرسة كانوا أصحابي.

ميس حمدان: النصيب لسه ما جاش

فيما قالت ميس حمدان في تصريحات تليفزيونية: أنا لست مضربة عن الزواج، وكل القصة إن النصيب لسه ما جاش، لأن أنا حبيبة أوى، ولازم تبقى قصة حب قوية، وآخر قصة حب كانت من 13 سنة وفشلت لأننا كنا صغيرين انا وهو، وأنا حاطه صورة بنت صغيرة اسمها عائشة موديل من الإمارات على موبايلى لأنى حسيت إنها شبهى جدا، ونفسي يبقى عندى بنت مثلها، ولازم أي إنسان أرتبط به أكون بحبه جدا، ولو حصل نصيب حتى لو تجربة زواج صالونات ممكن أقعد وأسمع ونتكلم وأشوف لأن الزمن ده كل حاجة فيه واردة.

دانا حمدان: لم يأتي الرجل اللي يخلينى أحبه وأتزوجه

شقيقتهما الثالثة دانا حمدان ، قالت: بالنسبة لى لم يأتي الرجل اللي يخلينى أحبه وأتزوجه، وأنا كنت معتقدة إنى هتجوز وأنا صغيرة وأخلف 7 عيال، لكن لم يأت هذا الرجل، وماما تعبت معانا جدا فى الموضوع ده، يمكن لأننا عنديين شوية.

وأضافت دانا حمدان: مي مجنونة تليفونات وكانت بتكلم ولاد كتير، وقاطعتها ميس مازحة: أها كانت بتكلم واحد ومسمياه سارة.

طارق العشري: لولا أخطاء الهاني سليمان لاختلفت النتيجة أمام الأهلي

سليم سحاب يوجه رسالة إلى شيرين عبد الوهاب بعد أزمتها الأخيرة

دنيا تانية الحلقة 10.. والدة ليلى علوى تطرد مى سليم بسبب الخيانة