مي عمر: بابا فلاح وكان قافل علينا جدًا.. مكنش في بيات برا البيت

تحدثت الفنانة مي عمر عن مخاوف والدها من زوجها المخرج محمد سامي في بداية زواجهما، وذلك بسبب العصبية، مشيرة إلى أن والدها كان خائف عليها من سامي رغم حبه له.

مي عمر تتحدث عن والدها

قالت مي عمر في تصريحات تلفزيونية: 'احنا إتخطبنا وبعدها فسخنا الخطوبة وبعدها رجعنا لبعض، وبابا كان خايف عليا وقلقان'.

تصريحات مي عمر

وتابعت: 'هو أصلا من مجتمع فلاحين، وكان قافل علينا جدا، ولنا مواعيد والخروج بحدود، ومفيش بيات برا البيت ولا سفر، وكان آخري أروح دريم بارك'.

وواصلت مي عمر كلامها، وقالت: 'عشان كده في بداية جوازنا كانت كل مشاكلنا إني عايزة أخرج، وبابا كان حاسس إن محمد ممكن يبقى عصبي مع بنته بعد الجواز'.

واختتمت الكلام وقالت: 'الحمد لله محصلش، ولما شافه بيتخانق توتر وقلق من إن الناس ممكن تتغير، لكن هو من الأول بيحبه جدا وحتى لما فسخنا الخطوبة'.