مي فاروق ترد على الانتقادات: ليه مقولش إني بتجوز قدام الدنيا؟

أعربت الفنانة مي فاروق عن اسيتائها بسبب انتقادات احتفالها بزواجها من الفنان محمد العمروسي، معلقة: «اتجوزت بس معملتش حاجة يا جماعة».

وتابعت مي فاروق عبر تصريحات تلفزيونية: «كل الفنانين كانوا مبسوطين والناس كانت فرحانة ليا.. وعمري ما كان عندي أعداء في الحياة الحمدلله وعلاقتي بالناس طيبة.. ليه مقولش إني بتجوز قدام الدنيا كلها وكل شخص حر في رأيه وأنا مش هرد على كلامهم».

رد مي فاروق على الانتقادات

واستكملت: «طول الوقت بحاول أعمل كل حاجة بشكل صحيح، قعدت 6 سنين أم مسؤولة عن ولادي لوحدي كنت عايزة اتبسط وولادي يفرحوا معايا إيه المشكلة إني أعلن، الناس بدأت تحلل نظرة ابني ليا وبنتي لو بنتي مضايقة مكنتش جت، أنا مش بحب حد يعرف حاجة عن حياتي الشخصية وولادي أولوية في حياتي وطول ما هما كانوا عايزين جوازي يبقى لازم أفرحهم».

واختتمت الفنانة مي فاروق حديثها وردها على الانتقادات، قائلة: «أنا طول ما برضي جوزي وولادي مفيش حاجة خالص».

مي فاروق ومحمد العمروسي

حفل زفاف مي فاروق ومحمد العمروسي

كانت قد طرحت النجمة مي فاروق أحدث أغانيها بعنوان 'باركوا'، والتي جاءت كالأغنية الرسمية لحفل زفافها، عبر قناتها على موقع يوتيوب.

الأغنية تحمل كلمات الشاعر تامر حسين، وألحان مدين، وتوزيع موسيقي أحمد عبدالسلام، لتعبر عن أجواء الحب والفرح التي أحاطت بالمناسبة السعيدة.

احتفلت مي فاروق بزفافها على الفنان محمد العمروسي يوم الخميس الماضي في أحد الفنادق الكبرى، بحضور نخبة من نجوم الفن والرياضة والإعلام، في حفل اتسم بالبهجة والرقي.

وعبرت مي عن سعادتها عبر حسابها على فيسبوك، حيث شاركت صورة تجمعها بزوجها ووجهت رسالة شكر للجميع قالت فيها: 'من قلوبنا بنقول شكراً لكل شخص شاركنا أجمل لحظاتنا. وجودكم معانا في يوم فرحنا أكبر دليل على محبتكم ودعمكم، ودى حاجة عمرها مابتتقدر بتمن كل كلمة حلوة، وكل دعوة من القلب، لمستنا وأسعدتنا أكتر ما تتخيلوا، فرحتنا كانت مكتملة بوجودكم معانا، وربنا ما يحرمنا من قلوبكم، ولا محبتكم، ولا دعواتكم.. بنحبكم جدا جدا'.

حفل زفاف مي فاروق ومحمد العمروسي