مي كساب تعلق على جدل «الأعلى مشاهدة»: عاوزة أبقي أحسن واحدة بس من غير غل وحقد

علقت الفنانة مي كساب على الجدل المثار بين الفنانين، حول الأعلى مشاهدة والمتصدر ضمن موسم دراما رمضان 2026.

كتبت مي كساب في تغريدة عبر حسابها الرسمي بموقع X: «طب عاوزة أقول حاجة قبل ما أنام ورزقي على الله».

تعليق مي كساب على الأعلى مشاهدة

وتابعت: «طبعًا المنافسة حلوة وطبعًا بحب نفسي وطبعًا عاوزة أبقي أحسن واحدة في العالم بس من غير غل وحقد وتمني الشر والأذى للغير وبغير طبعًا بس غيرة شريفة مش زي (شريفة)».

واستكملت مي كساب: «وطبعًا لو شُفت حاجة حلوة لازم أقول برافو وأفرح لغيري خصوصًا لو كان موهوب وشقيان طول عمره عشان يوصل للي وصله وبقدر جدًا اللي بيقدرني وبفرح جدًا للي بيفرحلي».

تصريحات مي كساب

واختتمت: «في الآخر كلنا بيطلع عينينا وبنشقى ونتعب عشان خاطر نفرح الجمهور ونبسطهم.. مبروك لكل زمايلي اللي بحبهم من قلبي على شغلهم ودايمًا ربنا يكرمنا ونعمل فن راقي فيه متعة للجمهور ونبقى دايمًا لسان الشعب وحالهم».