نجل أشرف مصيلحي يودع والده برسالة مؤثرة: دلوقتي هعرف أتكلم معاك

وجه يوسف مصيلحي نجل الفنان أشرف مصيلحي رسالة مؤثرة لوالده، الذي رحل عن عالمنا مساء الأحد الماضي بعد صراع مع المرض.

ونشر نجل أشرف مصيلحي مجموعة صور تجمعهما عبر حسابه الرسمي بموقع انستجرام، وعلق قائلًا: «الله يرحمك يا أطيب وأجدع وأحن أب في الدنيا».

نجل أشرف مصيلحي

وتابع: «كان نفسي تكون موجود وشايف حب الناس وروحك الحلوة الموجودة في كل حد فينا وتشوف الناس كلها بتقول عليك إيه من أصغر واحد لحد أكبر واحد وأنا فعلًا مش فاكر ولو مره واحده أنت عملت حاجة ضايقتني».

واستكمل يوسف مصيلحي: «أو حتى شدينا مع بعض زي أي أب وابنه وده عشان إحنا كنا صحاب وكنت بتفهمني وعارف دماغي وأنا عارف إنك دلوقتي مرتاح أكتر بكتير وأكيد مبسوط وأنت شايفنا كلنا متجمعين».

نجل أشرف مصيلحي

وفاة الفنان أشرف مصيلحي

وكتب أيضًا: «وحاسس أكيد بكل المحبه اللي كانو موجودين اليومين دول وهيفضلو موجودين علطول ودلوقتي أنا هعرف اتكلم معاك وعارف إنك هتسمعني يمكن أكتر من آخر فترة كنت موجود وسطنا عشان كنت تعبان، فا مش بعرف اتكلم معاك بس أنا عايزك تعرف إني بحبك أوي».

واختتم: «وهفضل شايل اسمك وأنا فخور إنك أبويا لحد لما أجيلك إن شاء الله.. بجد بحبك أوي يا بابا وعارف إنك أكيد في الجنة إن شاء الله».

نجل أشرف مصيلحي

نجل أشرف مصيلحي

نجل أشرف مصيلحي