نجل ضحية حريق عقار العمرانية يكشف تفاصيل فقدان الذهب: فيه حاجات مفقودة من أختي

كشف سامح حسن، نجل ضحية حريق عقار العمرانية، تفاصيل جديدة بشأن ملابسات فقدان بعض المشغولات الذهبية الخاصة بشقيقته عقب الحادث، مؤكدًا أن شقيقته كانت متواجدة بالمستشفى وهي ترتدي ذهبها، وأنه تسلم جزءًا فقط من المشغولات التي كانت بحوزتها قبل الحريق.

وقال خلال مداخلة هاتفية مع الإعلامية 'نهال طايل' في برنامج 'تفاصيل' المذاع على قناة 'صدى البلد2' إن شقيقته كانت تقيم في الإسكندرية، وأن حفل الزفاف الذي كانت عائدة منه وقع قبل الحادث بفترة، موضحًا أنها كانت برفقة زوجها وأولادها ووالدته في سيارة أحد أصدقائهم أثناء العودة.

وأضاف: 'الفرح كان في الإسكندرية، ورجعوا مع صاحبي في عربيته، هو ووالدته ووالدتي وأختي وأولادها كانوا راكبين في عربية واحدة، وما كانش فيه أي حاجة، وراحوا على كوبري ستانلي ووقفوا واتصوروا، والصور موجودة'.

وتابع: 'سارة أختي وقتها رجعت مع ماما القاهرة علشان ماما كانت مريضة سرطان، واستأذنت من زوجها إنها تيجي تقعد مع والدتها علشان تراعيها لأنها مريضة'.

وأوضح:'الذهب راح المستشفى مع سارة، لكن فيه ذهب مفقود لحد الآن، لأن في صور من الفرح وهي لابسة الذهب بتاعها، والسلسلة اللي كانت لابساها سارة مش موجودة'.

وأضاف:'لما رحت المستشفى علشان أستلم الذهب بتاعها، كان المفروض أستلم 10 قطع، لأن الشخص الموجود هناك قالي إن أختك كانت جاية بخاتمين في إيديها و8 غوايش، يعني عدد القطع كان عشرة، لكن أنا استلمت 9 قطع فقط'.

واستكمل: 'ممكن يكون الذهب وقع منها أثناء الحادثة، وفي كل الأحوال ده اللي أنا مقدم عليه حاليًا في النيابة علشان أعرف ذهب أختي راح فين'.

واختتم : 'أنا ما أقدرش أدخل الشقة ولا حد يقدر يدخل يعمل أي شيء، وأنا هدور على حاجتي وحاجات أهلي، ولو حد أخد حاجة فهي هتكون من سارة، لكن سارة راحت المستشفى بحاجتها'.