نجل محمد ثروت يعود لعمله بعد رحلة علاج: أحلام اتحولت لمشاريع

إسماعيل هاني 23 مايو 2023 | 08:30 صباحاً

كشف المخرج أحمد ثروت نجل المطرب محمد ثروت عن أحدث ظهور له داخل عمله وشركته الخاصة بعد عودته من رحلة علاج بألمانيا.

أحمد ثروت يعود لعمله بعد رحلة علاج بألمانيا

وقال المطرب أحمد ثروت في أحدث ظهور له عبر حسابه الشخصي على موقع التواصل الاجتماعي انستجرام وعلق قائلا:

الحمد لله من داخل مكتبي لفترة محدودة.. بعد ٣ شهور..المكان ده بنسبالي ١٠ سنين من حياتي، شغل، تعب، نجاح، ادارة ازمات واحلام اتحولت لمشاريع ومعافرة مستمرة لتقديم كل ما هو جديد.

وتابع أحمد ثروت: اتعرفت فيه علي ناس تحولوا من زملاء في الشغل لأخواتي اللي مش بشبع منهم والحمد لله بنشتغل مع بعض ونخرج ونتفسح ونسافر مع بعض.. ولما رجعت الشركة مش عارف اوصف انا فخور بيكم قد ايه و مهما اقول مش هيوفي حقكم ان في ظل ظروف الاختبار اللي انا فيه كنتوا السند اللي حافظ على حلمي انه يستمر و يفضل يكبر بفضل ربنا علينا ومجهودكم والحقيقي .

وأضاف نجل محمد ثروت: عرفت ان الشركة فعلاً مش محتاجاني طول ما فيها أبطال ولاد اصول زيكم وفعلاً الاختبارات ربنا بيحطنا فيها بتكشفلنا المزيفين والي بياخدوك مرحلة وبرضو بتبين معادن الناس الحلوة الي ربنا بيبعتهم لينا في صورة رزق الي بتقدر تسند عليهم طول العمر.

نجل محمد ثروت ومرض نادر

وكان أحمد ثروت نجل محمد ثروت عاد من ألمانيا بعد استكمال رحلة علاج من مرض مناعي نادر، وكتب عبر صفحته الرسمية بموقع فيس بوك: «اللهم أنك أنت الصاحب في السفر والخليفة في الأهل اللهم اشفي مرضانا وجميع مرضي المسلمين

إنك على كل شئ قدير».

أحمد ثروت ومسلسل الكتيبة 101

المخرج أحمد ثروت كشف كواليس تعاونه بمسلسل الكتيبة 101 الذي عرض في شهر رمضان المنقضي 2023، عبر حسابه الشخصي على موقع التواصل الإجتماعي فيسبوك، وعلق: فخور جدا بمشاركتي البسيطة في هذا العمل الرائع

الكتيبة ١٠١ بتصوير واخراج المشاهد الوثائقية ومش كلام بس انا اللي اشكركم ومتشرف جداً وأشكر أول واحد اخي الكبير وعشرة العمر والكفاح العقيد محمد الجزار علي اتاحه الفرصة ليا من اول مسلسل الاختيار ١ حتى الكتبية ١٠١.