نجوم الفن يدافعون عن شيرين عبدالوهاب بعد مهرجان موازين

حرص عدد كبير من نجوم الفن على دعم الفنانة شيرين عبدالوهاب، بعد حفلها في مهرجان موازين 2025.

نشرت الفنانة غادة عبدالرازق مجموعة صور للفنانة شيرين عبدالوهاب، عبر خاصية الستوري التابعة لحسابها الرسمي بموقع انستجرام.

نجوم الفن يدعمون شيرين عبدالوهاب

وعلقت قائلة: «مليون سلامة حبيبتي ونورتي المهرجان بنحبك يا موهبة ماشية على الأرض.. القافلة تسير».

بينما كتبت الفنانة شيماء سيف: «شيرين حبيبتي النجمة صاحبة الصوت الرائع أنا اخترتلها الفيديو ده اللي هي غلطت فيه في الكلمات.. ماشاء الله تداركت الموقف في لحظة وده عشان بس يبان إنها مش بتغني بلاى باك وحتى لو هي غنت أول اغنية مع بداية دخولها المفروض منجلدهاش كدا».

رسائل دعم لـ شيرين عبدالوهاب

واستكملت: «بالعكس عادى اعتبروها متوترة لأنها بقالها كتير مقابلتش جمهورها، وبتشجع نفسها لكن إحنا بقينا قاسيين أوي أوي أرجوكم كفاية حتى لو حد غلط اسكتو مش لازم كله يبقى ناقد فني وصاحب رأى وعبقرينو كلنا لينا وقعات وذلات ومش ماشيين غير بستر ربنا».

واختتمت شيماء سيف رسالتها لـ شيرين عبدالوهاب قائلة: «ودي نجمة المفروض نفتخر بيها ونشجعها ترجع وبقوة مش نكرهها في عيشتها وياريت مننساش شیرین یعني مشاعر يعني عودتني الدنيا يعني طريقي وأغاني يعني اه ياليل يعني ويعني ويعني بحبك يا شوشو يا نجمة كبيرة».

ومن جانبه، كتب الفنان عمر السعيد عبر حسابه الرسمي بموقع انستجرام: «كل الحب والدعم لمغنيتنا الأيقونية».

وكتب تامر حسين عبر حسابه على منصة 'إكس': 'تفتكروا شيرين عبد الوهاب ما تستحقش تظهر بأجمل وأكمل شكل شكلاً ومضموناً؟ واضح إن صوتها كان مُرهق أو مُجهد، ورغم كده بترجع وبتحاول وبتعافر ومهتمة وواحشها تقابل الجمهور وترجع لمكانها ومتعتها ورونقها على المسرح. ومن حق الجمهور يسمعها بأفضل شكل يشجيه ويرضيه'.

وأضاف: 'بلاش انتقادات قاسية وتطاول غير مبرر، دي بني آدمة وبتحس، واللي بيتقال من بعض الناس ده يسد نفس أي مطرب عن الغُنا تاني. ياريت ما ننساش إنها صوت عظيم وياما أمتعتنا، ونراعي مشاعر الناس. شيرين مرت بظروف في منتهى الصعوبة ممكن تهد وتنهي حياة بني آدمين، فشوية إنسانية ورحمة لوجه الله فقط. الكلمة الطيبة صدقة، ما بقولكش نافق بس خليك إنسان'.

كما دافع السيناريست أيمن سليم عن شيرين عبدالوهاب، وكتب في منشور عبر حسابه الرسمي بموقع فيس بوك: «لو بصينا لنص الكوباية الفاضي وقلنا هي شيرين لابسة كده ليه في حفلتها الأخيرة مش لاقية ستايلست يلبسها حاجة عدلة، وإزاي بتغني بلاي باك مش لايف، أومال عاملة حفلة ليه؟ لازم نبص كمان لنص الكوباية المليان، وهو إنها رفضت الأحاديث الإعلامية، ومغلطتش بكلام غير مسؤول كالعادة أثناء الحفل، رغم إنها مش في كامل لياقتها، قررت تطلع وتشتغل، واختارت لبس يبدو مش مناسب، لكنه أفضل من إنها تلبس حاجة ضيقة تبيّن إنها مش عارفة تخس، أو تتكلم بطريقة غوغائية تخلي الناس تهاجمها».

واختتم: «البلاي باك كان أول فقرة من الحفل، والباقي كان لايف، واضح إنها ما زالت تعبانة، وبتحاول تتعافى حتى لو ببطء، رصيدها كبير وغني، ويستحق إن الجمهور يدعيلها ترجع زي الأول وأحسن».