نجوم الفن ينتقدون شقيق محمد رحيم: متاكد إنك أخوه!

انتقد عدد من نجوم الفن شقيق الراحل محمد رحيم، ومنهم الفنان محمد العمروسي، والفنانة مي فاروق والفنانة رنا سماحة.

كتب محمد العمروسي في منشور عبر حسابه بموقع فيس بوك: «أخو محمد رحيم إنت متاكد إنك أخوه بجد أنا شايف إن الغريب زعلان عليه أكتر منك الله لا يسامحك».

انتقادات ضد شقيق محمد رحيم

وهاجمت المطربة مي فاروق شقيق محمد رحيم، وكتبت في منشور عبر حسابها الرسمي: «الله يرحمك يا غالي يا ذوق يا محترم عشت كبير ومحترم وهتفضل محترم وكبير وسيرتك سبقاك مهما حاولوا والله».

وتابعت: «لما بيحصل كدة بعد ما مشيت أومال كان إيه اللي حاصل لك وأنت عايش ربنا رحمك عشان أنت طيب وجميل وما تستاهلش القرف ده، مش لاقيه أي اسم للي بيحصل والله ده لا رحمة ولا ذوق ولا أدب ولا دين، ده مش دم ده مايه!! حد يعالج الراجل ده كفايه قرف مردودالك في يومك والله طب احترم اللي كنت عايش تتشرف إنك على اسمه يا أخي، ولا نفسك في الشهرة، وبتركب ترند على سيرة وسمعة واحد الدنيا بتتشرف بيه».

واختتمت مي فاروق: «منتهى الرخص والقرف حسبنا الله ونعم الوكيل كله مردود والله إخص والله ألف إخص».

محمد العمروسي

هجوم الفنانين على شقيق محمد رحيم

وكتبت المطربة رنا سماحة: «ربنا يرحمك يا رحيم يا محترم يا طيب، عشت سيرتك زي الفل وسبت محبة في قلب كل إلى حواليك».

واستكملت: «ده أنت طلعت كنت شايل كتير يا جدع القريب والغريب، ويشاء القدر وفاتك تبين للناس كلها أنت كنت شايل إيه وكل اللي بيحاول يستغلك يتعرى في العلن قدام كل الناس، وتخلي اللي يعرفك واللي ميعرفكش يدعيلك بالرحمة ويزود حبك في قلوب اللي حواليك، ادعوله بالرحمه والمغفره، وادعوا لزوجته ولأولاده بالصبر على الابتلاء ويهون عليهم وجع الفراق».

رنا سماحة

مي فاروق