نجوى إبراهيم بعد إعلان إصابتها بالسرطان: روحت أبكي لكن فرحت إني فضفضت

علقت الإعلامية نجوى إبراهيم على إعلانها الإصابة بمرض السرطان، قائلة: «الأسبوع اللي فات حسيت إني غلطت، أنا مش من النوع الشكّاي».

وتابعت الإعلامية نجوى إبراهيم في تصريحات إذاعية لها: «اللي قلته مش شكوى لكن مشاركة معاكم ولما روحت قعدت أبكي، لقيت ناس مليانة حب، من كتر الدعوات اللي جت لي».

إصابة الإعلامية نجوى إبراهيم

واستكملت: «لكن جلد الذات عندي قلت ليه أنكد عليكم وكل واحد فيه اللي مكفيه.. وليه أقول كده والموضوع ده بقاله شهرين تلاتة وبجري فيه مع ولادي لكن ما يبانش».

وأضافت نجوى إبراهيم تعليقها عن الإعلان بشأن مرضها: «لكن زي ما زعلت، فرحت إني فضفضت لأن أحلى حاجة الواحد يفضفض مع القريب منه واللي بيحبه».

نجوى إبراهيم

تصريحات الإعلامية نجوى إبراهيم

واختتمت: «فممكن تسامحوني من غير ما يكون عندكم ذرة شك في احترامي ليكم، وأنا مقدرة كل الحب اللي قلتوهولي، وربنا يسمع دعواتكم، لكن أول ما أنا أتطمن هطمنكم، وما تشيلوش همي خالص، لكن ابعتولي همومكم وخليني أنا الكبيرة اللي أستحمل».