نرمين الفقي تكشف سر جمالها: معنديش ضغينة ولا أحقاد

كشفت الفنانة نرمين الفقي سر جمالها ورشاقتها، موضحة أن المشكلات هي التي تُعجز.

قالت نرمين الفقي عبر تصريحات تلفزيونية: «المشاكل هي اللي بتكبر وبتعجز.. والروتين الحقيقي إن يبقى قلبنا نضيف وحلو».

سر جمال نرمين الفقي

وتابعت: «أنا معنديش ضغينة ولا أحقاد، ومؤمنة بربنا وأن اللي شايلهولي كل خير، وأتمنى كل الناس يبقى قلبها نضيف».

واستكملت نرمين الفقي: «لازم نحاول ناخد بالنا من نفسنا ولو بوظنا في الأكل نحاول تاني يوم نخف شوية، وأهم حاجة في الدنيا الابتسامة اللي من القلب ومعاشرة الناس اللي بيحبونا».

سبب غياب نرمين الفقي عن الساحة الفنية

وفيما يخص غيابها عن الساحة الفنية، علقت قائلة: «أنا ممكن أقعد سنة واتنين مشتغلش، أكيد ببقى حزينة ومش مبسوطة، لكن ربنا بيعوضني خير، وممكن أنزل بعمل أو عملين يعوضوا ده».

واختتمت نرمين الفقي: «مش بحب أشتغل لمجرد التواجد، لازم العمل يكون فيه رسالة أو يقدم حاجة تليق بيا».