«نزعة دينية زيادة عن اللزوم».. ماجد المصري يكشف سرا عن تامر حسني

كشف الفنان ماجد المصري سرًا لا يعرفه الجمهور عن الفنان تامر حسني، والفنانة غادة عبد الرازق، والفنانة هيفاء وهبي والفنان أمير كرارة.

قال ماجد المصري عبر تصريحات تلفزيونية: «تامر حسني عنده نزعة دينية زيادة عن اللازم، في مرة كنا عنده في بيته في رمضان ووقت صلاة الفجر كان هو الإمام».

ماجد المصري وتامر حسني

وتابع: «حسيت أن هو بيستمتع وهو بيقرأ القرآن عنده حتة حلوة أوي وأكيد دي حاجة مش هيتكلم عنها لأنها حاجة بينه وبين ربنا هو قلبه حلو أوي».

بينما قال ماجد المصري عن غادة عبد الرازق، إنها تظهر قوية لكنها تخاف كثيرًا، وروى تفاصيل موقف جمعهما في كواليس مسلسل مع سبق الإصرار، معلقًأ: «غادة الجبارة دي بتتخض في أقل من ثانية، كنا بنصور في مع سبق الإصرار وأنا معروف عني أني أما بروح لوكيشن بعمل هيصة».

ماجد المصري وتامر حسني

ماجد المصري وغادة عبد الرازق

واستكمل: «في اليوم دا دخلت مسلمتش على حد رحت عندها وسألتها إن كانت كويسة وحكيت لها إني شفتلها رؤية وقلت لها إن جنازير في إيديكي ونار في شعرك، وسألتها عن بنتها روتانا، وقلت لها متقلقيش أنا رحت لشيخ وحكيت له الرؤية وطلب مني إنك بعد صلاة الفجر تقولي دعاء تحفظيه مش تكتبيه».

وأضاف ماجد المصري: «وقعدت وخليتها تقول ورايا اللهم أكفني شر الكاميرا الخفية وسيبتها، بعدها عملت فيا مقلب بس مجاش زي ده».

ماجد المصري وغادة عبد الرازق

ماجد المصري وهيفاء وهبي

وقال عن هيفاء وهبي إنها من أطيب الشخصيات التي التقى بها ومضيافة للغاية، أما أمير كرارة وصفه بـ «صاحب القلب الطيب».

كما كشف كواليس زواجه من خطوبة لعقد قران لزواج خلال شهر واحد، قائلًا: «رانيا من طنطا هي بنت خالة صديق عمري، دايمًا أما كنت أكون موجود في أفراح العائلة كانت بتبقى موجودة، وكنت دايمًا أهزر وأقول أنا هخطب البنت دي أما تكبر».

ماجد المصري وزوجته

وأضاف ماجد المصري: «هي كانت بتحبني من أيام مسلسل لدواعي أمنية بس هي أخدت الجملة بجد وأنا كنت بهزر، حتى وقتها زمان بعد ما انفصلت عن أم أولادي كنت خاطب فنانة وحضرنا فرح هي كانت موجودة فيه وعرفت بعدها أنها كانت متضايقة وكنت في عيد ميلاد ماهيتاب بنتي وصاحبي عزم رنا بنت خالته، لقيتها داخلة قلت إيه دا مين الوحش اللي داخل دا مين دي؟».

واختتم: «عرفت أنها رانيا وقلت هخطبها صاحبي قالي إنه خطبها، قلت له هتسيبها وأقسمت بالله إني هخطبها، لكن طلع بيشتغلني، ورحت اتصور معاها سألتها إنتي مخطوبة قالت لي أه، قلت لها انسي وقعدنا نهزر وبدأنا نتكلم وربنا أكرمني بيها وهي كانت آخر سنة في الجامعة وكان في فرق بيننا والدها حسيت إني لو طولت في الخطوبة ممكن يغير رأيه وياخدوا بالهم، فيوم الجمعة قرينا الفاتحة اللي بعدها الخطوبة وبعدها كتب الكتاب وأخدتها واتجوزنا».

ماجد المصري وزوجته