نشوى مصطفى تعلق على انتقادات فيلم أصحاب ولا أعز: «منتهي العصبية وعدم التحضر»

علقت الفنانة نشوى مصطفى على الانتقادات التي تعرض لها فيلم أصحاب ولا أعز، والذي عرض على منصة نتفليكس.

وكتبت نشوى منشور على صفحتها الشخصية بموقع التواصل الاجتماعي «فيس بوك»، «هو إحنا مينفعش نختلف بصوت واطي، يعني لازم اختلافنا يبقي دوشة في كل اختلافنا في الرأي، على أي موضوع بنتحول أهلى وزمالك».

وأضافت:« منتهي العصبية وعدم التحضر بصراحة، يا سيدنا كل حد بيكون وجهة نظره، حسب تكوينه النفسي وحسب المحيط اللي اتربى فيه وحسب قناعات دماغه، ليه عايزني أبقى نسخة منك».

وتابعت: «أعلن قناعاتك بس متزعلش مني لو أنا رأيي مختلف، اختلافنا لا هيخليك أحسن مني ولا هيخليني أحسن منك، يا ساتر هو إحنا هنفضل عالم تالت كده على طول، مينفعش نبقي على مستوى تحضر الناس اللي فوق، قولولي بقي ياترى ايه الموضوع الجديد اللي هنتخانق عليه، الخناقة اللي فاتت التلات أيام بتوعها خلصوا».

أبطال فيلم أصحاب ولا أعز

فيلم «إصحاب ولا أعز»، يدور حول مجموعة من الأصدقاء، يجتمعون على العشاء ويقررون أن يلعبوا لعبة حيث يضع الجميع هواتفهم علي طاولة العشاء بشرط أن تكون الرسائل والمكالمات الجديدة علي مرآي ومسمع الجميع وسرعان ما تتحول اللعبة من لعبة شيقة، إلي كشف الأسرار ويناقش الفيلم العديد من القضايا التي تسببت بها وسائل التواصل الاجتماعي والتكنولوجيا الحديثة، وهو النسخة العربية للفيلم الإيطالي perfect strangers.

نشوى مصطفى لـ رشوان توفيق بعد قضية ابنته ضده: «ولي من أولياء الله الصالحين»

نشوى مصطفى : «الرجولة والجدعنة بقت صفات شبه مش موجودة واللي جاي مخيف ومرعب»