نشوى مصطفى عن طارق النهري: مندفع ونموذج للشخصية المصرية

أعربت الفنانة نشوى مصطفى بسعادتها الكبيرة، بشأن ضيف حلقة اليوم الثلاثاء، ببرنامج بنت البلد الذي تقدمه على شاشة قناة صدى البلد.

نشوى مصطفى وطارق النهري

قالت الفنانة نشوى مصطفى عن ضيفها طارق النهري: «زميل فنان كبير وعظيم وملامح لا تشبه أحد، وأداء متفرد شبه الخواجة، وهتكلم عنه كإنسان».

تحدثت نشوى مصطفى مقدمة برنامج بنت البلد، عن ذكرياتها مع الفنان طارق النهري، قائلة: «اشتغلت معاه من سنين طويلة أوي، تنطبق عليه ملامح الشخصية المصرية جدع شهم صاحب صاحبه».

استكملت نشوى مصطفى: «مفيش مريض غير لما يكون واقف جنبه، وفي الوفاة ينزل تحت يساعد في الدفن، ويسند المحتاج ولا ينتظر الشكر».

طارق النهري برنامج بنت البلد

أضافت نشوى مصطفى عن طارق النهري: «جدعنة مفيش زيها، ممكن تأذيه لكن مبيهموش وهو حد من الأبطال الشعبيين طبيعته مندفعة لما يحس إنه على حق»، ومن جانبه، رد عليها الفنان طارق النهري قائلًا: «أنا بحب مصر كلها وبحب زمايلي وبحب الدنيا كلها وبحب بنتي وأهلي».

طارق النهري

قال الفنان طارق النهري في لقائه مع الفنانة نشوى مصطفى ببرنامج «بنت البلد»، المذاع عبر شاشة قناة صدى البلد: «بحب مصر كلها وبحب زمايلي، وبنتي وأهلي».

تابع طارق النهري كلامه عن ابنته: «هي الأم والحبيبة والصديقة والبنت وبحترمها على المواقف اللي عملتها في أزمتي وإزاي تعبت وشالت هم في سن مينفعش تشيله».

استكمل طارق النهري: «لكن أصابتها اللعنة وقدرت تقف وأثبتت ليا وللدنيا كلها إنها بنت وراجل وحبيبة وطيبة وبنت بلد يكفي إنها شايلة حمل نفسها وبقالها سنين بتشتغل برة مصر وصامدة لوحدها، وأحيي فيها كل شيء جميل».