«نوبة انهيار».. تطورات حالة إيناس عز الدين بعد نجاتها من جلطة بالقلب

نجت المطربة إيناس عز الدين من جلطة في القلب، وكشفت تفاصيل حالتها الصحية وسبب إصابتها.

كتبت إيناس عز الدين في منشور عبر حسابها الرسمي بموقع فيس بوك: «ربنا وحده اللي نجاني الفجر من جلطة بالقلب والحمد لله إني انتبهت إنها بداية جلطة».

تطورات حالة إيناس عز الدين

وتابعت: «ولحقت نفسي.. الزعل بيعتصر القلب والروح»، وأضافت عبر خاصية التعليقات: «قلبي تعبان بزيادة بقاله فترة من ساعة وفاة أمي وبيزداد سوء وكمان مكالمة تليفون جتلي قلبت عليا وجع ومرار عمر بحاله».

واستكملت إيناس عز الدين: «دخلت في نوبة انهيار بعدها وأغمى عليا وأحمد وأسماء فوقوني لقيت كأن قلبي متشنكل ولساني تقيل وبتأتأ أحمد قام إداني ريڤو فوقني شوية بسيطة بس لقيت نغزة شديدة في قلبي مع احساس بتقل وطبقة في صدري وضهري وتجشؤات كتير ورا بعض وألم في ذراعي الأيسر بالكامل كأنه عليه وزن ألف كيلو وألم في كتفي اليمين برقبتي».

إيناس عز الدين

نجاة إيناس عز الدين من جلطة بالقلب

وأضافت: «حاولت أتجاهل الألم ده كله ولبست ونزلت روحت شغلي وأنا مش عارفة أتنفس حتى وأنا في الشغل على آخره لقيت الأكسجين بيتسحب من دماغي وقلبي تأكدت إني داخلة على جلطة».

واختتمت المطربة إيناس عز الدين: «جرينا على المستشفى والحمد لله ربنا اللي أنقذني كالعادة عشان جوزي وعشان أختي اللي مالهاش غيري في الدنيا بحالها بعد موت ماما وماليش غيرها.. إنه لستر ولطف من الله».

إيناس عز الدين