نورهان: أنا من جمهور صبا مبارك وبحبها.. ونفسي ألبس الحجاب للتقرب من ربنا

أعربت الفنانة نورهان عن سعادتها بالمشاركة في 'ورد على فل وياسمين' في شخصية 'سناء'، مؤكدة أن الشخصية تحمل رسالة مهمة منذ ظهورها الأول.

وقالت خلال مداخلة هاتفية مع الإعلامية نهال طايل في برنامج 'تفاصيل' المذاع على قناة 'صدى البلد2': أنا سعيدة إني كنت ضيفة شرف في المسلسل الرقيق الجميل دا، وسناء شخصية  صاحبة رسالة من أول مشهد بتظهر فيه بتقدم رسالة، وأنا الحقيقة أنتمي إلى هذه الفئة من الفنانين اللي بيحبوا يكون فيه روح من ورا وجودهم'.

وأضافت: 'أنا من جمهور صبا مبارك وبحبها وأنا كنت ضيفة شرف للأسف لم يجمعنا غير يوم واحد تصوير ولكن لمست فيها الثقافة والاختلاف'.

وتابعت: 'أنا كنت محظوظة إني فعلا التقيت بأجيال مختلفة من الفنانين لما كنت صغيرة التقيت بالكبار وفي الوقت الحالي التقيت بالناس الموهوبين المثقفين اللي من الأجيال الجديدة يعتبروا من النوادر'.

وأوضحت: 'نفسي ألبس الحجاب هي خطوة نوع من أنواع التقرب لربنا، والواحد طول الوقت بيحاول يتقرب بكل الطرق اللي يقدر عليها يعني ولكن ما استطعت، ربنا ييسر'.

ونفت التبرع بأعضائها: 'أنا مقولتش كده ده كانت تحريف على السوشيال ميديا'.